Virat kohli and Anushka sharma: भारत विरुध्द ऑस्ट्रेलिया या दोन्ही संघांमध्ये ४ कसोटी सामान्यांची मालिका सुरु आहे. या मालिकेतील पहिल्या दोन सामन्यात भारतीय संघाने विजय मिळवला होता.

मात्र इंदूरच्या मैदानावर पार पडलेल्या तिसऱ्या कसोटी सामन्यात भारतीय संघाला पराभवाचा सामना करावा लागला आहे.

त्यामुळे चौथा कसोटी सामना हा भारतीय संघासाठी अतिशय महत्वाचा असणार आहे . या महत्वाच्या सामन्यापूर्वी भारतीय संघातील फलंदाज विराट कोहलीने महाकाल दरबारी हजेरी लावली आहे . ज्याचे फोटो सध्या सोशल मीडियावर व्हायरल होत आहेत. (Latest sports updates)

महाकाल दरबारी लावली हजेरी..

भारतीय संघातील दिग्गज फलंदाज विराट कोहलीने आपली पत्नी अनुष्का शर्मासह भोपाळच्या महाकाल दरबारी हजेरी लावली आहे.

मालिकेतील चौथा कसोटी सामना सुरु होण्यापूर्वी तो आपल्या पत्नीसह पूजा करताना दिसून आला आहे. विराट कोहली गेल्या काही सामन्यांमध्ये फ्लॉप ठरला आहे.

या मालिकेतही त्याला धावा करता आल्या नाहीये. त्यामुळे नक्कीच त्याने फॉर्ममध्ये परतण्यासाठी प्रार्थना केली असावी.

विराट कोहलीने वनडे आणि टी-२० क्रिकेटमध्ये जोरदार कमबॅक केले आहे. मात्र कसोटी क्रिकेटमध्ये त्याला अजूनही हवी तशी कामगीरी करता आली नाहीये. गेल्या २० डावात त्याला एकही शतक झळकावता आले नाहीये. ज्यामध्ये त्याने २५ च्या सरासरीने धावा केल्या आहेत. यादरम्यान त्याला केवळ १ वेळेस ५० पेक्षा अधिक धावांची खेळी करण्यात यश आले आहे. ही खेळी त्याने २०२१ मध्ये झालेल्या दक्षिण आफ्रिका दौऱ्यावर केली होती.

विराट कोहली हा फॅब ४ फलंदाजांपैकी एक आहे. मात्र या फॅब ४ मध्ये केवळ विराट कोहली धावा करण्यात संघर्ष करताना दिसून येतोय. अन्य फलंदाज स्टीव्ह स्मिथने ६०, जो रुटने ६६ आणि केन विलियमसनने ५९ च्या सरासरीने धावा केल्या आहेत.