क्रिकेटच्या मैदानावर एकेकाळी अधिराज्य गाजवणारा स्टार खेळाडू विनोद कांबळीचा एक व्हिडिओ काही दिवसांपूर्वी सोशल मीडियावर व्हायरल झाला होता. तो व्हिडिओ बघून अवघं क्रिकेटविश्व हादरून गेलं होतं. कांबळीला चालताही येत नव्हतं. इतकंच काय तर त्याला धड एकाच जागी उभंही राहता येत नव्हतं. पण खरंच त्याची अवस्था इतकी वाईट झाली आहे का? असा प्रश्न सगळ्यांनाच पडला आहे.

कांबळीच्या मित्रांनीच दिली महत्वाची अपडेट

विनोद कांबळीला धड चालताही येत नसल्याचे त्या व्हिडिओत दिसत होते. इतकेच काय तर त्याला एका जागी उभंही राहता येत नव्हतं. काही पावलं चालल्यानंतर त्याला तीन लोकांच्या आधाराची गरज लागली होती. पण आता कांबळीच्या प्रकृतीबाबत महत्वाची अपडेट समोर आली आहे. कांबळीच्या जवळच्या मित्रांनी मोठा खुलासा केला आहे. कांबळीची तब्येत आता आधीपेक्षा खूपच चांगली आहे. तो व्हिडिओ जुना आहे, असं त्यांनी सांगितलं.

विनोद कांबळीचा तो व्हिडिओ जुना

विनोद कांबळीचा व्हायरल झालेला व्हिडिओ जुना आहे. त्याची प्रकृती एकदम उत्तम आहे. कांबळीचा शाळेतील वर्गमित्र रिकी आणि प्रथम श्रेणी क्रिकेटचे पंच मार्कस यांनी गुरुवारी कांबळीची भेट घेऊन विचारपूस केली.

वर्गमित्रानं नेमकं काय सांगितलं?

विनोद कांबळीचा व्हिडिओ व्हायरल झाल्यानंतर त्याचा वर्गमित्र रिकी आणि अन्य एक मित्र आणि पंच मार्कस यांनी त्याची भेट घेतली. त्यांनी सांगितलं की, विनोद कांबळीनं आम्हाला सर्व काही सांगितलं. आता मी ठीक आहे. सोशल मीडियावर विश्वास ठेवू नका.

हिंदुस्थान टाइम्सच्या रिपोर्टनुसार, जेव्हा आम्ही कांबळीची भेट घेतली तेव्हा तो एकदम मजेत होता. त्याच्या प्रकृतीत सुधारणा झालेली आहे. आधीपेक्षा तो उत्तम आहे. जो व्हिडिओ व्हायरल होत आहे, तो जुना आहे. आहार योग्य घेत आहे. त्याच्या कुटुंबासोबत तो एन्जॉय करत होता, असं मार्कसने सांगितले.

रिकी-मार्कसला कांबळीनं सांगितल्या जुन्या आठवणी

रिकी आणि मार्कसने गुरुवारी दुपारी जवळपास पाच तास कांबळीसोबत वेळ घालवला. १९९० च्या दशकात वेस्ट इंडीजच्या वेगवान गोलंदाजांना सामोरे गेल्याचा आणि शेन वॉर्नचा सामना करताना खेळलेल्या विस्मरणीय खेळींच्या आठवणींना स्वतः कांबळीनं उजाळा दिला. कांबळीने त्यावेळी काही जुनी गाणी गायली.