Team India Playing 11 For IND vs WI 1st Test: वेस्ट इंडिजविरुद्ध होणाऱ्या पहिल्या कसोटी सामन्यासाठी प्लेइंग ११ निवडणं रोहितसाठी सोपं मुळीच नसेल. २ कसोटी सामन्यांच्या मालिकेसाठी भारतीय संघात युवा खेळाडूंना संधी देण्यात आली आहे.

मालिकेतील पहिला कसोटी सामना १२ जुलैपासून डॉमिनिकाच्या मैदानावर रंगणार आहे. हा सामना भारतीय वेळेनुसार संध्याकाळी ७:३० वाजता सुरू होणार आहे. दरम्यान जाणून घ्या कशी असू शकते या सामन्यासाठी भारतीय संघाची प्लेइंग ११.

डॉमिनिकाच्या मैदानावर रंगणाऱ्या या सामन्यात रोहित शर्मा आणि यशस्वी जयस्वाल डावाची सुरुवात करू शकतात. दोघेही आक्रमक फलंदाज आहेत, त्यामुळे हे दोघेही संघाला आक्रमक सुरुवात करून देऊ शकतात. यशस्वी जयस्वालला संधी मिळाल्यामुळे ऋतुराज गायकवाडला बाहेर बसावं लागू शकतं.

मध्यक्रम...

वेस्ट इंडिजविरुद्ध होणाऱ्या कसोटी मालिकेसाठी चेतेश्वर पुजाराला विश्रांती देण्यात आली आहे. त्यामुळे तिसऱ्या क्रमांकावर शुभमन गिल फलंदाजी करताना दिसून येऊ शकतो. तर चौथ्या क्रमांकावर विराट कोहली आणि पाचव्या क्रमांकावर उपकर्णधार अजिंक्य रहाणे खेळताना दिसून येऊ शकतो.

विकेटकीपर

पहिल्या कसोटी सामन्यासाठी विकेटकीपर म्हणून ईशान किशनला संधी दिली जाऊ शकते. तर केएस भरतला विश्रांती दिली जाऊ शकते. केएस भरतला फलंदाजी करताना हवी तशी कामगिरी करता आली नाही. तर ईशान किशन आक्रमक फलंदाज आहे. तो संघासाठी जलद गतीने धावा गोळा करू शकतो.

फिरकी गोलंदाज..

वेस्ट इंडिजविरुद्ध होणाऱ्या पहिल्या कसोटी सामन्यासाठी आर अश्विन आणि रविंद्र जडेजाच्या जोडीला संधी दिली जाऊ शकते. तर अक्षर पटेलला विश्रांती दिली जाऊ शकते.

वेगवान गोलंदाज...

या सामन्यासाठी शार्दुल ठाकूर, मोहम्मद सिराज आणि जयदेव उनाडकट या वेगवान गोलंदाजांना संधी दिली जाऊ शकते. तर मुकेश कुमार आणि नवदीप सैनीला संधी मिळण्याची आणखी वाट पाहावी लागणार आहे. (Latest sports updates in marathi)

पहिल्या कसोटी सामन्यासाठी अशी असू शकते भारतीय संघाची प्लेइंग ११(Team india playing 11 for IND vs WI 1St test)

रोहित शर्मा (कर्णधार), यशस्वी जयस्वाल, शुभमन गिल, विराट कोहली, अजिंक्य रहाणे (उपकर्णधार), ईशान किशन (विकेटकीपर), रविंद्र जडेजा, आर अश्विन, शार्दुल ठाकूर, मोहम्मद सिराज आणि जयदेव उनाडकट.