KKR VS GT IPL 2025 : कोलकाता नाईट रायडर्स विरुद्ध गुजरात टायटन्स हा सामना कोलकाताच्या ईडन गार्डन्स स्टेडियमवर रंगला आहे. या सामन्यात केकेआरचा कर्णधार अजिंक्य रहाणेने टॉस जिंकला आणि प्रथम गोलंदाजी करण्याचा निर्णय घेतला. त्यानंतर साई सुदर्शन आणि शुबमन गिल हे गुजरातचे सलामीवीर फलंदाजी करण्यासाठी मैदानात उतरले.

ईडन गार्डन्सवर टॉस जिंकल्यानंतर डॅनी मॉरिसन यांनी केकेआरचा कर्णधार अजिंक्य रहाणेशी चर्चा केली. त्यानंतर शुबमन गिलसोबत त्यांनी संवाद साधला. मॉरिसन यांनी शुबमन गिलकडे पाहिले आणि 'छान दिसतोय. लग्न करायचा काही प्लान आहे का? तू लवकरच लग्न करणार आहेस का?' असा सवाल केला. यावर हसत गिलने 'नाही, सध्यातरी काही प्लान नाहीये', असे म्हटले.

शुबमन गिलच्या नेतृत्त्वात गुजरात टायटन्सच्या संघाने चांगली कामगिरी केली आहे. गुजरात टायटन्सकडे १० गुण आहेत. सध्या आयपीएलच्या पॉईंट्स टेबलवर गुजरातच्या संघ पहिल्या स्थानी आहे. आतापर्यंत गुजरातने आयपीएल २०२५ मध्ये ७ सामने खेळले आहेत. यातील ५ सामन्यात गुजरातचा विजय, तर २ सामन्यात पराजय झाला आहे.

गुजरात टायटन्सची प्लेईंग ११ -

साई सुदर्शन, शुबमन गिल (कर्णधार), जोस बटलर, शेरफेन रुदरफोर्ड, राहुल तेवतिया, वॉशिंग्टन सुंदर, शाहरुख खान, रशीद खान, रविश्रीनिवासन साई किशोर, प्रसिद्ध कृष्णा, मोहम्मद सिराज

(इम्पॅक्टचे पर्याय - इशांत शर्मा, महिपाल लोमरोर, अनुज रावत, करीम जनात, अर्शद खान)

कोलकाता नाईट रायडर्सची प्लेईंग ११ -

रहमानउल्ला गुरबाज, सुनील नारायण, अजिंक्य रहाणे (कर्णधार), व्यंकटेश अय्यर, रिंकू सिंह, मोईन अली, आंद्रे रसेल, रमणदीप सिंग, हर्षित राणा, वैभव अरोरा, वरुण चक्रवर्ती

(इम्पॅक्टचे पर्याय - मनीष पांडे, अंगक्रिश रघुवंशी, रोवमन पॉवेल, लुवनीथ सिसोदिया, अनुकुल रॉय)