व्रोक्लॉ (पोलंड) : भारतीय नेमबाज राही सरनोबत हिने आज (मंगळवार) प्रेसिडेंट करंडकातील महिलांच्या २५ मीटर पिस्तूल (नेमबाजी) स्पर्धेत पिस्तुलमधील बिघाड ग्राह्य धरून रौप्य पदकाची कमाई केली. पिस्तूल खराब झाल्याने शेवटचे दाेन महत्त्वपूर्ण शॉट्स राहीने गमावले. Rahi Sarnobat Wins Silver In Shooting Presidents Cup

तिने ३१ गुण मिळवीत हे पदक जिंकले. पिस्तूलमधील बिघाडापुर्वी राहीने तीन वेळा लक्ष्य शोधत उत्तम कामगिरी केली हाेती. स्पर्धेतील अंतिम फेरीत भारतीय खेळाडू मनू भाकर ही सहाव्या स्थानावर राहिली.

या स्पर्धेत जर्मनीच्या वेनेकॅम्पने ३३ गुणांसह सुवर्णपदक तसेच मॅथिल्डे लामोलेने २७ गुणांसह कांस्यपदक जिंकले. दरम्यान राही सरनाेबतने स्पर्धेत मिळविलेल्या यशानंतर तिच्यावर देशासह तिच्या मूळगावी काेल्हापूर येथे चैतन्याचे वातावरण पसरले आहे.

edited by : siddharth latkar