Shikhar Dhawan Laddu Muthya: भारतीय संघाचा सलामीवीर फलंदज शिखर धवनने काही दिवसांपूर्वीच आंतरराष्ट्रीय क्रिकेटला रामराम केला होता. आंतरराष्ट्रीय क्रिकेटला रामराम केल्यानंतर तो टी-२० लीग स्पर्धेत खेळताना दिसून आला होता.

या स्पर्धेत त्याची तुफान फटकेबाजी पाहायला मिळाली होती. दरम्यान आपल्या फलंदाजीमुळे चर्चेत असणारा शिखर धवन सोशल मीडियावर प्रचंड सक्रिय असतो. तो आपल्या सोशल मीडियावर मजेशीर व्हिडिओ शेअर करत असतो. त्याने एक व्हिडिओ शेअर केला आहे. जो सध्या तुफान व्हायरल होतोय.

गेल्या काही दिवसांपासून, सोशल मीडिया उघडलं की एकच बाबाचा व्हिडिओ दिसतो. तो बाबा म्हणजे लड्डू मुत्त्या बाबा. दोन लोकं या बाबाला उचलतात आणि हा बाब वेगाने फिरत असलेला पंखा हातांच्या बोटांनी थांबवतो.

त्यानंतर लोकांच्या माथ्यावर हात लावून शुभेच्छा देतो. अनेकांना हा चमत्कार वाटतो. त्यामुळे या बाबाचा आशीर्वाद घेण्यासाठी भक्तांची रांगच रांग लागते. या बाबाचे रिल्स सोशल मीडियावर तुफान व्हायरल होत आहेत. दरम्यान शिखर धवननेही आपल्या अधिकृत सोशल मीडिया अकाऊंटवरुन लड्डू मुत्त्या गाण्यावरील एक रिल बनवून शेअर केला आहे.

व्हायरल होत असलेल्या व्हिडिओमध्य तुम्ही पाहू शकता की, शिखर धवन एका रुममध्ये खुर्चीवर बसल्याचं दिसून येत आहे. त्यावेळी त्याच्यासोबत असलेले २ लोकं त्याला उचलून घेतात. दोघेही शिखरला हवेत उचलतात आणि मग शिखर फिरत असलेला पंखा हाताने थांबवतो. पंखा थांबवून आपल्या सोबत असलेल्या लोकांना आशीर्वाद देतो. त्याचा हा मजेशीर व्हिडिओ सध्या सोशल मीडियावर तुफान व्हायरल होतोय.

नेटकऱ्यांच्या भन्नाट प्रतिक्रिया

शिखर धवनने शेअर केलेल्या या व्हिडिओवर आतापर्यंत २.३ मिलियन लोकांनी लाईक केलं आहे. यासह नेटकरी मजेशीर प्रतिक्रिया देताना दिसून येत आहेत. एका युजरने लिहिले, 'क्रिकेटला रामराम केल्यानंतर आता बाबा बना..' तर एका युजरने लिहिले, ' गब्बर इज बॅक नाही, तर बाबा इज बॅक..' या व्हिडिओवर नेटकरी कमेंट आणि लाईक्सचा पाऊस पाडताना दिसून येत आहेत.