IPL 2025 मधील राजस्थान रॉयल्स विरुद्ध रॉयल चॅलेंजर्स बंगळुरू या सामन्यात रॉयल चॅलेंजर्स बंगळुरूने सहज विजय मिळवला आहे. आयपीएल २०२५ मध्ये घरच्या मैदानावर म्हणजे सवाई मानसिंग स्टेडियमवर खेळताना राजस्थान रॉयल्सचा पराभव झाला आहे. बंगळुरूने ९ विकेट्सने राजस्थानला पछाडले.

सवाई मानसिंग स्टेडियमवर आज राजस्थान रॉयल्स विरुद्ध रॉयल चॅलेंजर्स बंगळुरू हा सामना खेळला गेला. या सामन्यात रॉयल चॅलेंजर्स बंगळुरूचा कर्णधार रजत पाटीदारने टॉस जिंकला आणि प्रथम फलंदाजी करण्याचे ठरवले. मैदानात फलंदाजीसाठी उतरलेल्या राजस्थानच्या खेळाडूंनी २० ओव्हर्समध्ये १७३ धावा केल्या. त्याला प्रतुत्तर देताना बंगळुरूच्या फलंदाजांनी १७५ धावा केल्या.

राजस्थान रॉयल्सकडून यशस्वी जयस्वालने सर्वात जास्त ७५ धावा केल्या. संजू सॅमसनचा फ्लोप शो पाहायला मिळाला. त्याच्या जागी आलेल्या रियान परागने ३० धावा केल्या. शेवटच्या ओव्हर्समध्ये आलेल्या ध्रुव जुरेलने ३५ धावा करुन धावा संख्या १५० च्या पुढे नेली. दुसऱ्या बाजूला बंगळुरूचे सलामीवीर फलंदाजी करताना चांगल्या फॉर्ममध्ये दिसले. फिल सॉल्ट आणि विराट कोहलीने चांगली सुरुवात केली. दोघांनीही अर्धशतकीय खेळी केली. सॉल्टने ६५ तर कोहलीने ६२ धावा केल्या. पडिक्कलने विजयाचा शॉट मारत नाबाद ४० धावा पूर्ण केल्या.

राजस्थान रॉयल्सची प्लेईंग ११ :

यशस्वी जयस्वाल, संजू सॅमसन (कर्णधार), नितीश राणा, रियान पराग, ध्रुव जुरेल, शिमरॉन हेटमायर, वानिंदू हसरंगा, जोफ्रा आर्चर, महिश तिक्षणा, संदीप शर्मा, तुषार देशपांडे

रॉयल चॅलेंजर्स बंगळुरूची प्लेईंग ११ :

फिलिप सॉल्ट, विराट कोहली, रजत पाटीदार (कर्णधार), लियाम लिव्हिंगस्टोन, जितेश शर्मा, टीम डेव्हिड, कृणाल पंड्या, भुवनेश्वर कुमार, जोश हेजलवुड, सुयश शर्मा, यश दयाल