rohit sharma twitter
Sports

Rohit Sharma Statement: 'आम्हाला त्याची गरज आहे..' शानदार विजयानंतर रोहितने या खेळाडूचं केलं तोंडभरून कौतुक

India vs Afghanistan 3rd T20I: या सामन्यात अखेर भारतीय संघाने बाजी मारली आणि मालिका ३-० ने खिशात घातली. या सामन्यानंतर कर्णधार रोहित शर्माचा आनंद गगनात मावेनासा झाला.

Ankush Dhavre

Rohit Sharma On Rinku Singh:

तब्बल १४ महिन्यांनंतर टी -२० क्रिकेटमध्ये कमबॅक करत असलेल्या रोहित शर्माला हवी तशी कामगिरी करत आली नव्हती. सुरुवातीच्या दोन्ही सामन्यांमध्ये तो शून्यावर बाद होऊन परतला. मात्र शेवटच्या सामन्यात त्याने दमदार कमबॅक केलं.

त्याने भारत - अफगाणिस्तान तिसऱ्या टी -२० सामन्यात १२९ धावांची आक्रमक खेळी केली. त्याने रिंकू सोबत मिळून १९० धावांची विक्रमी भागीदारी केली. दरम्यान दोन वेळा सुपर ओव्हरमध्ये गेलेल्या या सामन्यात अखेर भारतीय संघाने बाजी मारली आणि मालिका ३-० ने खिशात घातली. या सामन्यानंतर कर्णधार रोहित शर्माचा आनंद गगनात मावेनासा झाला.

शतकी खेळी करणाऱ्या रोहित शर्माची प्लेअर ऑफ द मॅच म्हणून निवड करण्यात आली. दरम्यान हा पुरस्कार स्वीकारल्यानंतर तो म्हणाला की, ' मला माहित नाही हे याआधी कधी झालं होतं. मला असं वाटतंय की मी याआधी आयपीएलमध्येही तीन वेळा फलंदाजीसाठी उतरलोय. आमच्यासाठी भागीदारी करणं अतिशय महत्वाचं होतं. रिंकू माझ्यासोबत सतत चर्चा करत होता. २२ वर ४ फलंदाज बाद झाल्यानंतर आमच्यावर दबाव होता. त्यामुळेच खेळपट्टीवर टिकून राहणं आमच्यासाठी अतिशय महत्वाचं होतं.' (Latest sports updates)

तसेच या सामन्यात ६९ धावांची बहुमूल्य खेळी करणाऱ्या रिंकू सिंगचं कौतुक करताना रोहित म्हणाला की, ' आम्हाला त्याच्यासारख्या आक्रमक फलंदाजाची गरज आहे. गेल्या काही मालिकांमध्ये त्याने ज्या पद्धतीने फलंदाजी केली आहे .त्यावरून त्याने आपली क्षमता दाखवून दिली आहे.' डाव्या हाताच्या या फलंदाजाने आपल्या छोट्याश्या कारकीर्दीत अनेकदा फिनिशरची भूमिका योग्यरीत्या पार पाडली आहे. ज्यावेळी भारतीय संघ अडचणीत होता. त्यावेळी त्याने रोहितसोबत मिळून १९० धावांची भागीदारी केली. यात त्याने ३९ चेंडूंचा सामना करत ६९ धावांचं योगदान दिलं.

एमएस धोनीनंतर भारतीय संघाला एका विश्वासू फिनिशरची गरज होती. जो शेवटी जाऊन मोठे फटके खेळू शकतो. रिंकू सिंगमध्ये ती क्षमता आहे आणि हे त्याने अनेकदा सिद्ध करून दाखवलं आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Chandra Grahan Tips : ग्रहणाच्या वेळी अन्न दूषित होऊ नये यासाठी सोपा उपाय

Anant Chaturdashi 2025 live updates : श्रीमंत दगडूशेठ हलवाई गणपती मिरवणूक रथात विराजमान

Viral Video: शाळा आहे की मसाज पार्लर! शिक्षकाने विद्यार्थिनींकडून करून घेतली बॉडी मसाज, VIDEO पाहून तुम्हालाही येईल राग

Aayush Komkar: शेवटी सूड घेतलाच! वनराजच्या अंत्यविधीला शस्त्रपूजन करत बदला घेण्याची शपथ, अन् १ वर्षाने आयुष कोमकरची हत्या

Shocking : संतापजनक! मुलाच्या हव्यासापोटी जन्मदात्याने मुलीला संपवलं; बिहार हादरलं

SCROLL FOR NEXT