भारत आणि बांगलादेश या दोन्ही संघांमध्ये २ कसोटी सामन्यांच्या मालिकेतील पहिला कसोटी सामना सुरु आहे. हा सामना चेन्नईतील एमए चिदंबरम स्टेडियमवर सुरु आहे. या सामन्यात प्रथम फलंदाजी करण्यासाठी आलेल्या भारतीय संघाला सुरुवातीला ३ मोठे धक्के बसले. मात्र त्यानंतर रिषभ पंत आणि यशस्वी जयस्वालने मिळून भारतीय संघाचा डाव सांभाळला. दरम्यान सामना सुरु असताना, बांगलादेशचा गोलंदाज हसन महमूद आणि रविंद्र जडेजा हे दोघेही एकमेकांना धडकले. ज्याचा व्हिडिओ सोशल मीडियावर व्हायरल होतोय.
बातमी अपडेट होत आहे.
भारतीय संघाला सुरुवातीला मोठे धक्के बसल्यानंतर यशस्वी जयस्वाल आणि रिषभ पंतने मिळून महत्वपूर्ण अर्धशतकी भागीदारी केली आणि भारतीय संघाला दमदार कमबॅक करुन दिलं. दरम्यान ही जोडी फुटल्यानंतर आर अश्विन आणि रविंद्र जडेजाने मिळून भारताचा डाव सांभाळला.
हसन महमूद या सामन्यात सुरुवातीपासून भारतीय संघासाठी डोकेदुखी ठरला आहे. त्याने सुरुवातीच्या एका तासातच विराट कोहली, रोहित शर्मा आणि शुभमन गिलला बाद करत भारतीय संघाला बॅकफूटवर ढकललं. मात्र त्यानंतर जडेजा आणि अश्विनने त्याच्या गोलंदाजीवर आक्रमक फलंदाजी केली. दरम्यान एका षटकात रविंद्र जडेजा स्ट्राईकला असताना हसन महमूद आणि रविंद्र जडेजा यांच्यात धडक झाली. मात्र धडक झाल्यानंतर दोघेही एकमेकांना पाहून हसले.
रोहित शर्मा (कर्णधार), यशस्वी जयस्वाल, शुभमन गिल, विराट कोहली, केएल राहुल, ऋषभ पंत (विकेटकीपर), रवींद्र जडेजा, रविचंद्रन अश्विन, जसप्रीत बुमराह, आकाश दीप, मोहम्मद सिराज.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.