samit rahul dravid : भारताचा माजी कर्णधार राहुल द्रविडचा मुलगा समित द्रविडने टी२० क्रिकेटमध्ये पदार्पण केलेय. समित द्रविडने कर्नाटक राज्य क्रिकेट संघाच्या (KSCA) महाराजा टी20 ट्रॉफीत पदार्पण केलेय. पदार्पणात समितने विस्फोटक फलंदाजी करत सर्वांचे लक्ष वेधलेय.

समित द्रविड याने मैसूर वॉरियर्सकडून खेळताना वादळी फलंदाजी केली. समित द्रविड याचा उभा राहण्याची स्टाईक राहुल द्रविड याच्यासारखीच दिसत आहे. त्याने रोहित शर्मा स्टाईलने मारलेला षटकार सोशल मीडियावर चर्चेत आहे. त्याचा व्हिडिओ सध्या व्हायरल होतोय. समित द्रविडचा फटका पाहून समालोचकांनीही त्याचं तोंडभरुन कौतुक केलेय.

मैसूर वॉरियर्स आणि ब्लास्टर्स यांच्यामध्ये आमनासामना झाला. ब्लास्टर्सने नाणेफेक जिंकून प्रथम गोलंदाजीचा निर्णय घेतला. पावसामुळे हा सामना १८ षटकांचा घेण्यात आला. मैसूर वॉरियर्सकडून मनोज भांडगे (58*) आणि हर्षिल धर्माणी (50) यांनी दमदार अर्धशतकी खेळी केली. मैसूर वॉरियर्सने १८ षटकात सहा विकेटच्या मोबदल्यात १८२ धावांचा पाऊस पाडला.

चौथ्या क्रमांकावर खेळण्यासाठी समित द्रविड उतरला होता. त्यावेळी वॉरियर्सची स्थिती ४.२ षटकात दोन विकेट ५१ धावा आशी होती. त्याने गनेश्वर नवीनच्या चेंडूवर गगनचुंबी षटकार ठोकत सर्वांनाच चकीत केले. रोहित शर्माने विश्वचषकात नवीन उल हक यालाही असाच षटकार ठोकला होता. सेम तसाच षटकार समितने लावल्याचे नेटकरी बोलत आहेत.

पाहा व्हिडिओ...

समितला मोठी खेळी करता आली नाही. त्याला ९ चेंडूत फक्त सात धावाच करता आल्या. त्यामध्ये एका षटकाराचा समावेश होता. याच षटकाराची सोशल मीडियावर जोरदार चर्चा आहे. वॉरियर्सला हा सामना गमावावा लागला. ब्लास्टर्सने १७.१ षटकात १८३ धावा करत विजय मिळवला.