India vs Pakistan News:

भारत आणि पाकिस्तान या दोन्ही संघांमध्ये क्रिकेटचं महायुद्ध रंगणार आहे. अहमदाबादच्या नरेंद्र मोदी स्टेडियमवर हे दोन्ही संघ आमने सामने येणार आहेत.

या सामन्यापूर्वीच पाकिस्तानचे गोलंदाज मोहम्मद नवाज आणि लेग स्पिनर शादाब यांचा थरकाप उडाल्याचं पाहायला मिळालं आहे. विराट कोहली आणि रोहित शर्माचा सामना करण्यासाठी दोघेही विशेष सराव करताना दिसून आले आहेत.

पाकिस्तान संघातील गोलंदाज मोहम्मद नवाज आणि लेग स्पिनर शादाब हे दोघेही नेट्समध्ये फलंदाजांना गोलंदाजी करत नव्हते. हे दोघेही गोलंदाज गोलंदाजी प्रशिक्षक मॉर्ने मॉर्केलच्या स्पेशल ट्रेनिंग घेताना दिसून आले. हे दोघेही गोलंदाज स्पॉट गोलंदाजीवर भर देताना दिसून आले आहेत.

पाकिस्तानी गोलंदाजांचा खास सराव..

पाकिस्तानच्या गोलंदाजी प्रशिक्षकाने मोहम्मद नवाज आणि लेग स्पिनर शादाबला खास ट्रेनिंग दिली आहे. त्याने खेळपट्टीवर सहा मीटर आणि चार मीटरच्या रेंजमध्ये प्लास्टिक स्टम्प ठेवले. त्यानंतर त्याने आपल्या फिरकी गोलंदाजांना अचुक टप्प्यावर गोलंदाजी करण्यास सांगितले.

या फिरकीपटूंनी देखील अचुक टप्प्यावर गोलंदाजी केली. गोलंदाजीसह पाकिस्तानी खेळाडूंनी क्षेत्ररक्षणावर देखील जोरदार भर दिला. (Latest sports updates)

असा राहिलाय दोन्ही संघांचा रेकॉर्ड..

भारत आणि पाकिस्तान या दोन्ही संघांचा रेकॉर्ड पाहिला तर हे संघ आतापर्यंत १२३ वेळेस आमने सामने आले आहेत. यादरम्यान ५६ सामन्यांमध्ये भारतीय संघाने बाजी मारली आहे. तर पाकिस्तानने ७३ सामन्यांमध्ये पाकिस्तानने बाजी मारली आहे.

तर गेल्या १० सामन्यातील रेकॉर्ड पाहिला तर भारतीय संघाचं पारडं जड राहिलं आहे. १० पैकी ७ सामन्यांमध्ये भारतीय संघाने विजय मिळवला आहे. तर २ सामन्यांमध्ये पाकिस्तानला विजय मिळवता आला आहे. यापैकी १ सामना अनिर्णित राहिला आहे.