क्वालाल्मपूर : मलेशिया ओपन सुपर 750 बॅडमिंटन (Malaysia Open Super 750) स्पर्धेत आज (शुक्रवार) भारताची बॅडमिंटनपटू (badminton) पीव्ही सिंधू (p v sindhu) हिचा उपांत्यपुर्व फेरीत पराभव झाला. सिंधूवर गतविजेत्या तई त्झु यिंग हिने २१-१३, १५-२१, १३-२१ असा विजय (victory) मिळविला. (Malaysia Open Super 750 Latest News)

या लढतीत सिंधूची सुरुवात काहीशी निराशजनक झाली. ती (2-5) अशी पिछाडीवर होती. त्यानंतर तिने उत्तम खेळ करीत (11-7) अशी आघाडी घेतली. ही आघाडी कायम ठेवत तिने तई त्झु यिंगवर पहिला सेटमध्ये (21-17) असे वर्चस्व मिळविले.

दुसऱ्या सेटमध्ये मात्र तई त्झु यिंगने शानदार खेळ केला. ब्रेकमध्ये 5-1, 6-1 अशा आघाडीसह 11-3 ने ती आघाडीवर होती. सिंधूला दुसऱ्या सेटमध्येही कमालीचा संघर्ष करावा लागला. तिने जाेरदार खेळाचे प्रदर्शन घडवित तिने पाच गुण मिळवले. मात्र त्यानंतर तई त्झु यिंगने सिंधूला एकही संधी दिली नाही. तिने दुसरा सेट 21-15 असा जिंकला.

तिसरा आणि अंतिम सेट सुरुवातीपासूनच रोमांचक झाला. सिंधू ५-६ अशी पिछाडीवर होती, तिथून गुणसंख्या ६-७ झाली. ब्रेकमध्ये सिंधू अवघ्या दोन गुणांनी मागे होती. मात्र तिला प्रभाव पाडता आला. निर्णायक सेटमध्ये सिंधूचा 13-21 असा पराभव झाला. आजच्या पराभवामुळे सिंधूचे आव्हान संपुष्टात आले आहे.

Edited By : Siddharth Latkar