Women Maharashtra Kesari Kusti Spardha : महाराष्ट्राच्या पहिल्या महिला महाराष्ट्र केसरी कुस्ती स्पर्धा सांगलीत (Mahlia Maharashtra Kesari Kusti Spardha Sangli) पार पडत आहेत. यासाठी राज्यातील जवळपास 400 हून अधिक महिला कुस्तीगिर सांगलीत दाखल झाल्या आहेत. मात्र कुस्ती स्पर्धेच्या ठिकाणी अत्यंत ढिसाळ नियोजन पाहायला मिळाले आहे. (Maharashtra News)

ज्या क्रीडा संकुलाच्या आवारात कुस्ती स्पर्धा होत आहे त्या ठिकाणी कोणत्याही प्रकारची स्ट्रीट लाईट चालू नव्हती. त्यामुळे अंधारातून वाट काढत महिला कुस्तीपटूंना बाहेर पडावे लागत होतं. याशिवाय या महिला कुस्तीपटूंचे जेवणाची सोय करण्यात आली होती, त्या ठिकाणी अत्यंत ढिसाळ अशा पद्धतीचे नियोजन पाहायला मिळालं.

क्रीडा संकुलाच्या अत्यंत छाेट्याशा अशा मेसमध्ये महिला कुस्तीगिरांसाठी जेवणाची सोय करण्यात आली होती. त्यामुळे भली माेठी रांग मेसच्या बाहेर लागली हाेती. अनेकांना रांगेत ताटकळत उभे राहावे लागले.

आसन व्यवस्था नसल्याने महिला कुस्तीपटूंना फरशीवर बसून जेवण करावे लागेल. पिण्याची पाण्याची व्यवस्था देखील नीट नव्हती. जेवण झाल्यानंतर हात धुण्यासाठी देखील कुस्तीगीरांसाठी पाण्याची व्यवस्था नव्हती.

या बराेबरच महिलांची राहण्याची व्यवस्था देखील नीट नसल्याच्या तक्रार करण्यात येत होत्या. महाराष्ट्र कुस्तीच्या इतिहासात पहिल्यांदा महिला महाराष्ट्र केसरी कुस्ती स्पर्धा पार पडत आहेत. मात्र यामध्ये नियोजनाचा मोठा अभाव होता. ज्यामुळे महिला कुस्तीपट्टूंची मोठी गैरसोय झाल्याचे पाहायला मिळाले.

Edited By : Siddharth Latkar