आज विश्वचषकात न्यूझीलंड विरुद्ध बांगलादेश यांच्यात ११ वा सामना चेन्नईच्या एमए चिदंबरम स्टेडियमवर सुरू आहे. प्रथम फलंदाजी करत बांगलादेशने ५० षटकात ९ गडी गमावून २४५ धावा कुटल्या. फलंदाज मुशाफिकूर रहीमने सर्वाधिक ६६ धावा कुटल्या. तर न्यूझीलंडच्या लॉकीने तीन गडी बाद केले आहे. (Latest Marathi News)
न्यूझीलंडने नाणेफेक जिंकून बांगलादेशला फलंदाजीसाठी निमंत्रण दिलं. प्रथम फलंदाजी करण्यासाठी उतरलेल्या बांगलादेश संघाची फलंदाजीची सुरुवात खराब झाली. लिटन दास पहिल्याच चेंडूत बाद झाला.
लॉकीने ८ व्या षटकातील अखेरच्या चेंडूत हसनला झेलबाद केले. न्यूझीलंडने ५६ धावांवर मिराजच्या रुपाने बांगलादेशला तिसरा धक्का दिला. त्यानंतर ग्लेनने त्याच्या पहिल्या षटकातील पहिल्या चेंडूत शांतोला बाद केले. न्यूझीलंडच्या आक्रमक गोलंदाजीमुळे बांगलादेशने १९ षटकात ४ गडी गमावून ८४ धावा केल्या होत्या.
बांगलादेशने ४ गडी बाद झाल्यानंतर शाकिब हल हसन आणि मुशफिकूर रहीमने संघाचा डाव सांभाळला. २९ व्या षटकात रहिमने अर्धशतक पूर्ण केलं. पुढे ६६ धावांवर रहीम बाद झाला. न्यूझीलंडने त्यांची भागीदारी तोडून पुन्हा एकदा बांगलादेशवर दबाव निर्माण केला. त्यानंतर बांगलादेशची पडझड सुरूच राहिली.
मुस्तफिजुर रहमान देखील लवकर बाद झाला. त्याने १० चेंडूत ४ धावा केल्या. बांगलादेशने ५० षटकात ९ गडी गमावून २४५ धावापर्यंत मजल मारली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.