MI -W VS DC-W WPL Final 2023: विमेन्स प्रीमियर लीग २०२३ स्पर्धेचा अंतिम सामना मुंबई इंडियन्स विरुद्व दिल्ली कॅपिटल्स या दोन्ही संघांमध्ये पार पडला.

मुंबईच्या ब्रेबोर्न स्टेडियमवर पार पडलेल्या या सामन्यात मुंबई इंडियन्स संघाने जोरदार कामगीरी करत ७ गडी राखून विजय मिळवला आहे. यासह मुंबई इंडियन्स संघ विमेन्स प्रीमियर लीग स्पर्धेचे जेतेपद मिळवणारा पहिलाच संघ ठरला आहे.

दिल्लीने केल्या होत्या १३१ धावा..

या सामन्यात दिल्ली कॅपिटल्स संघाने नाणेफेक जिंकून प्रथमी फलंदाजी करण्याचा निर्णय घेतला होता. मात्र दिल्लीच्या फलंदाजांना हवी तशी कामगिरी करता आली नव्हती. दिल्ली कडून मेग लेनिंगने सर्वाधिक ३५ धावांची खेळी केली.

तर शेवटी राधा यादव आणि शिखा पांडे यांनी महत्वाची भागीदारी करत दिल्लीचा डाव १३१ धावांपर्यंत नेला . (Latest sports updates)

या धावांचा पाठलाग करताना मुंबई इंडियन्स संघाकडून नॅट सिवर ब्रंटने तुफानी अर्धशतक झळकावले. तर हरमनप्रीत कौरने ३७ धावांचे योगदान दिले.