आयपीएल २०२४ स्पर्धेत मुंबई इंडियन्स संघाला हवी तशी सुरुवात करता आलेली नाही. हार्दिक पंड्याच्या नेतृत्वाखाली खेळणाऱ्या या संघाला सुरुवातीच्या तिन्ही सामन्यांमध्ये पराभवाचा सामना करावा लागला आहे. सलग ३ पराभवानंतर मुंबई इंडियन्स संघाला दिलासा देणारी बातमी समोर आली आहे. संघातील प्रमुख फलंदाज सूर्यकुमार यादव संघासोबत जोडला गेला आहे. माध्यमातील वृत्तानुसार, सूर्यकुमार यादव दिल्ली कॅपिटल्स संघाविरुद्ध होणाऱ्या सामन्यात खेळताना दिसून येणार आहे.
सूर्यकुमार यादव मध्यक्रमात फलंदाजी करताना दिसेल. सूर्यकुमार यादव आल्यानंतर काही खेळाडू आहेत ज्यांचा पत्ता कट होऊ शकतो. ज्यात नमन धीर, डेवाल्ड ब्रेविस, क्वेना मफाका आणि अनुभवी खेळाडू पियूष चावलाचा समावेश आहे. या चारही खेळाडूंना बाहेरचा रस्ता दाखवला जाऊ शकतो. या चारही खेळाडूंना आतापर्यंत चांगली कामगिरी करता आलेली नाही.
मुंबई इंडियन्सचा पुढील सामना दिल्ली कॅपिटल्सविरुद्ध होणार आहे. या सामन्यासाठी मुंबई इंडियन्स संघात काही बदल पाहायला मिळू शकतात. या सामन्यात अफगाणिस्तानचा अष्टपैलू खेळाडू मोहम्मद नबीला संघात स्थान दिले जाऊ शकते. यासह नुवान तुषारा आणि श्रेयस गोपाललाचा देखील प्लेइंग ११ मध्ये समावेश केला जाऊ शकतो. या तिन्ही खेळाडूंना आतापर्यंत एकही सामना खेळण्याची संधी मिळालेली नाही. (Cricket news in marathi)
सध्या मुंबई इंडियन्सचा संघ आयपीएल २०२४ स्पर्धेच्या गुणतालिकेत सर्वात शेवटी आहे. या संघाने ३ सामने खेळले असून तिन्ही सामने गमावले आहेत. मुंबई इंडियन्स संघाचे पुढील तिन्ही सामने होम ग्राऊंडवर होणार आहेत. त्यामुळे मुंबईचा संघ कमबॅक करू शकतो.
सूर्यकुमार यादवच्या कमबॅकनंतर अशी असेल मुंबई इंडियन्स संघाची प्लेइंग ११:
रोहित शर्मा, इशान किशन (यष्टिरक्षक), सूर्यकुमार यादव, तिलक वर्मा, हार्दिक पंड्या, टीम डेविड, मोहम्मद नबी, श्रेयस गोपाल, आकाश मधवाल, जसप्रीत बुमराह आणि नुवान तुषारा.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.