CSK VS GT,FINAL: आयपीएल २०२३ स्पर्धेतील अंतिम सामना चेन्नई सुपर किंग्ज आणि गुजरात टायटन्स या दोन्ही संघांमध्ये सुरु आहे. हा सामना रविवारी खेळला जाणार होता. मात्र पावसाने जोरदार बॅटिंग केल्यामुळे हा सामना पुढे ढकलण्यात आला आहे.

अहमदाबादच्या नरेंद्र मोदी स्टेडियमवर सुरु असलेल्या या सामन्यात चेन्नई सुपर किंग्ज संघाने नाणेफेक जिंकून प्रथम गोलंदाजी करण्याचा निर्णय घेतला आहे. तर प्रथम फलंदाजी करत असलेल्या गुजरात टायटन्स संघाला मोठा धक्का बसला आहे.

धोनीची स्टंपिंग अन् गिल बाद..

या मोठ्या सामन्यात शुभमन गिल आणि वृद्धिमान साहाने संघाला चांगली सुरुवात करून दिली होती. पावरप्ले पर्यंत दोघांनी मिळून ६२ धावा जोडल्या होत्या. गिल चांगल्या टचमध्ये असल्याचे दिसून येत होते. मात्र त्याला मोठी खेळी करता आली नाही. ३ धावांवर जीवदान मिळाल्यानंतर तो ३९ धावसंख्येवर बाद होऊन माघारी परतला आहे.

तर झाले असे की, शुभमन गिल ३९ धावसंख्येवर फलंदाजी करत असताना रवींद्र जडेजा ७ वे षटक टाकण्यासाठी गोलंदाजीला आला होता. या षटकातील अंतिम चेंडू टप्पा पडून इतका फिरला की, जोरदार फॉर्ममध्ये असलेल्या गिलला कळालाच नाही.

चेंडू आणि बॅटचा संपर्कच झाला नाही. दरम्यान यष्टीमागे असलेल्या एमएस धोनीने आपल्या अनुभवाचा वापर करत वाऱ्याच्या वेगाने स्टंपिंग केली आणि गिलला यष्टिचित करत माघारी धाडले. (Latest sports updates)

अशी आहे दोन्ही संघांची प्लेइंग ११:

चेन्नई सुपर किंग्ज:

ऋतुराज गायकवाड, डेव्हॉन कॉनवे, अजिंक्य रहाणे, मोईन अली, अंबाती रायुडू, रवींद्र जडेजा, एमएस धोनी (कर्णधार आणि यष्टीरक्षक), दीपक चहर, मथीशा पाथीराना, तुषार देशपांडे, महिश थिक्षणा

गुजरात टायटन्स:

वृद्धिमान साहा (यष्टीरक्षक), शुभमन गिल, साई सुदर्शन, हार्दिक पांड्या (कर्णधार), विजय शंकर, डेव्हिड मिलर, राहुल तेवतिया, राशीद खान, मोहित शर्मा, नूर अहमद, मोहम्मद शमी