क्रिकेट हा अनिश्चिततेचा खेळ आहे. येथे एका सामन्यात बनलेला हिरो पुढील सामन्यात झिरो झालेला पाहायला मिळतो. ज्याने एका सामन्यात तुफानी डाव खेळला तो पुढच्या सामन्यात पहिल्याच चेंडूवर पॅव्हेलियनमध्ये परततो. अशी अनेक उदाहरणे आहेत. फलंदाजांना धावा करायच्या आहेत तर गोलंदाजांना विकेट घेवून स्वत:ला सिद्ध करायचे असते. कोणत्याही फलंदाजाला शून्यावर बाद व्हायचे नाही. त्याचबरोबर गोलंदाजाला त्याने फलंदाजाला बहुतेक वेळा खाते न उघडता पॅव्हेलियनचा रस्ता दाखवावा असे वाटते. शून्यावर बाद होणे हे फलंदाजासाठी भयानक स्वप्नासारखे असते. आम्ही तुम्हाला त्याच फलंदाजांबद्दल सांगणार आहोत जे क्रिकेटच्या टी-२० फॉरमॅटमध्ये सर्वात जास्त वेळा शून्यावर बाद झाले आहेत.

ख्रिस गेल

या यादीतील पहिले नाव त्या खेळाडूचे आहे जो त्याच्या झंझावाती फलंदाजीसाठी ओळखला जातो. ज्याच्या नावावर टी-20 मध्ये अनेक विक्रम आहेत. आयपीएलपासून ते सीपीएलपर्यंत या खेळाडूने छाप पाडली आहे. ख्रिस गेल (Chirs Gayle) असे या खेळाडूचे नाव आहे. गेल त्याच्या कारकिर्दीत एकूण 30 वेळा शून्यावर बाद झाला आहे. CPL-2021 च्या टायटल मॅचमध्ये गेल खाते न उघडता बाद झाला. गेलने आपल्या कारकिर्दीत आतापर्यंत एकूण 446 टी -20 सामने खेळले आहेत.

सुनील नारायण

गेल नंतर नंबर लागतो त्याच्याच देशाचा असलेल्या सुनील नारायणचा (Sunil Narayan). नारायण टी -20 मध्ये 28 वेळा शून्यावर बाद झाला आहे. जरी नारायन त्याच्या ऑफ स्पिन गोलंदाजीसाठी ओळखला जातो, परंतु कधीकधी तो फलंदाजीनेही चमत्कार करतो. त्याने आयपीएलमध्ये कोलकाता नाईट रायडर्ससोबत डावाची सुरुवातही केली आहे. सीपीएलमध्येही त्याने अनेक वेळा डावाची सुरुवात केली आहे. नारायणने आतापर्यंत एकूण 373 टी -20 सामने खेळले आहेत.

लेंडल सिमन्स

नारायणनंतर वेस्ट इंडिजचा आणखी एक क्रिकेटपटू आहे. त्याचे नाव लेंडल सिमन्स आहे. सिमन्स टी-20 क्रिकेटमध्ये नारायणच्या बरोबरीने 28 वेळा शून्यावर बाद झाला आहे. त्याने आपल्या कारकिर्दीत आतापर्यंत एकूण 283 टी -20 सामने खेळले आहेत.

ड्वेन स्मिथ

या दोघांनंतर वेस्ट इंडिजचा ड्वेन स्मिथ आहे. स्मिथ त्याच्या टी -20 कारकिर्दीत एकूण 28 वेळा बाद झाला आहे. स्मिथने 2017 मध्ये क्रिकेटला अलविदा केले आहे. त्याने आपल्या कारकिर्दीत एकूण 337 टी -20 सामने खेळले आणि 7870 धावा केल्या. तो IPL, CPL, PSL सारख्या लीगमध्ये खेळला आहे.

Edited By: Pravin Dhamale