इंडियन प्रीमियर लीगचे गतविजेते रॉयल चॅलेंजर्स बंगळूर यंदाच्या वर्षीही विजेतेपदासाठी प्रबळ दावेदार मानली जातेय. आरसीबीसाठी लीग टप्पा संपला असून टीमने १४ सामन्यांत नऊ विजय मिळवले आहेत. त्यामुळे १८ पॉईंट्ससह टीमने पहिलं स्थान पटकावलंय. आरसीबी आता प्लेऑफच्या क्वालिफायर १ मध्ये खेळणार असून या सामन्यापूर्वी आरसीबीला मोठा धक्का बसलाय. टीममधील मॅचविनर खेळाडू इंग्लंडला परतला आहे.

रॉयल चॅलेंजर्स बंगळूर आणि पंजाब किंग्स यांच्यातील सामन्यादरम्यान जेकब बेथेलच्या डाव्या बोटाला दुखापत झाली. तपासणीनंतर, इंग्लंडविरुद्धच्या आगामी टेस्ट सिरीजपूर्वी पुढील गोष्टींसाठी जेकब इंग्लंडला परत जाणार आहे.

जेव्हा फिल सॉल्ट जखमी झाला होता तेव्हा जेकब बेथेल आरसीबीसाठी डावाची सुरुवात करत होता. जेव्हा सॉल्ट इंग्लंडला परतला तेव्हा बेथेलला संधी देण्यात आली. आयपीएल २०२६ च्या सात सामन्यांमध्ये बेथेलने १४०.५२ च्या स्ट्राइक रेटने १६३ रन्स केलेत. दुखापतीमुळे बेथेल आरसीबीचा शेवटचा लीगमधील सामना खेळू शकला नव्हता.

आयपीएल २०२६ चे प्लेऑफ सामने २६ मे रोजी सुरू होणार आहे. पहिला क्वालिफायर सामना २६ मे रोजी धर्मशालामध्ये खेळवला जाणार आहे. त्यानंतर २७ मे रोजी न्यू चंदीगडमध्ये एलिमिनेटर सामना खेळवला जाणार आहे. त्यानंतर २९ मे रोजी न्यू चंदीगडमध्ये दुसरा क्वालिफायर सामना खेळवला जाणार आहे. अंतिम सामना ३१ मे रोजी अहमदाबादच्या नरेंद्र मोदी स्टेडियमवर खेळवला जाणार आहे.

• क्वालिफायर १ - २६ मे - धर्मशाला

• एलिमिनेटर - २७ मे - न्यू चंदीगड

• क्वालिफायर २ - २९ मे - न्यू चंदीगड

• अंतिम सामना - ३१ मे - अहमदाबाद