LSG VS PBKS IPL 2023 Updates: आज आयपीएल २०२३ स्पर्धेत डबल हेडर सामन्यांचा थरार पाहायला मिळणारआहे . पहिल्या सामन्यात रॉयल चॅलेंजर्स बंगळुरू आणि दिल्ली कॅपिटल्स संघ आमने सामने येणार आहेत.

तर दुसऱ्या सामन्यात लखनऊ सुपर जायंट्स आणि पंजाब किंग्ज हे दोन्ही संघ आमने सामने येणार आहेत. दरम्यान दुसऱ्या सामन्यापूर्वीच लखनऊ सुपर जायंट्स संघाला मोठा धक्का बसला आहे.

लखनऊ सुपर जायंट्स आणि पंजाब किंग्ज यांच्यात होणारा सामना हा लखनऊच्या मैदानावर पार पडणार आहे. या सामन्यापूर्वी लखनऊ सुपर जायंट्स संघाचा वेगवान गोलंदाज मयांक यादव (Mayank Yadav) हा दुखापतीमुळे आयपीएल २०२३ स्पर्धेतून बाहेर झाला आहे. त्याच्या ऐवजी अर्पित गुलेरियाला संघात स्थान देण्यात आले आहे.

अर्पित गुलेरियाने (Arpit Guleria) हिमाचल संघासाठी पदार्पण केले होते. मात्र आता तो सर्व्हिसेस संघाचे प्रतिनिधित्व करतोय.

आयपीएल २०२३ स्पर्धेत अशी राहिलीये लखनऊ सुपर जायंट्स संघाची कामगिरी..

केएल राहुलच्या नेतृत्वाखाली खेळणारा लखनऊ सुपर जायंट्स हा संघ या हंगामात जोरदार कामगिरी करतोय. या संघाने या हंगामात आतापर्यंत ४ सामने खेळले आहेत. यापैकी ३ सामन्यांमध्ये लखनऊ सुपर जायंट्स संघाने विजय मिळवला आहे.

तर एका सामन्यात या संघाला पराभवाचा सामना करावा लागला आहे. (Latest sports updates)

आयपीएल २०२३ स्पर्धेसाठी असा आहे लखनऊ सुपर जायंट्स संघ (Lucknow Super Giants Squad)

केएल राहुल (कर्णधार आणि यष्टीरक्षक), काइल मेयर्स, दीपक हुडा, कुणाल पंड्या, अमित मिश्रा, निकोलस पूरन (यष्टीरक्षक ), नवीन-उल-हक, आयुष बडोनी, आवेश खान, करण शर्मा, युधवीर चरक, यश ठाकूर, रोमॅरियो शेफर्ड, मार्क वुड, स्वप्नील सिंग, मनन वोहरा, डॅनियल सॅम्स, प्रेरक मंकड, कृष्णप्पा गौतम, जयदेव उनाडकट, मार्कस स्टॉइनिस, रवी बिश्नोई, अर्पित गुलेरिया.