आयपीएलच्या ५४ वा सामना कोलकाता नाईट रायडर्समध्ये लखनऊ सुपर जायंट्सचे आव्हान आहे. लखनऊ येथील भारतरत्न श्री अटलबिहारी वाजपेयी एकना आंतरराष्ट्रीय स्टेडियमवर हा सामना खेळला जात आहे. लखनऊचा कर्णधार केएल राहुलने नाणेफेक जिंकून गोलंदाजी करण्याचा निर्णय घेतला. केकेआरच्या फलंदाजांनी आक्रमक खेळी करत लखनऊच्या गोलंदाजांना चोपून काढलं. या सामन्यात सुनील नारायणने फटकेबाजी करत ३९ चेंडूत ८१ धावा केल्या यात ६ चौकार आणि ७ षटकाराचा समावेश आहे. केकेआरच्या संघाने ६ विकेट गमावत २३५ धावा केल्या. हा सामना जिंकण्यासाठी लखनऊच्या संघाला २३६ धावा कराव्या लागतील.