आयपीएल २०२४ स्पर्धेतील क्वालिफायरच्या पहिल्या सामन्यात कोलकाता नाईट रायडर्स आणि सनरायझर्स हैदराबाद हे दोन्ही संघ आमने सामने येणार आहेत. हा सामना अहमदाबादच्या नरेंद्र मोदी स्टेडियमवर रंगणार आहे. दरम्यान या सामन्यासाठी कशी असेल कोलकाता नाईट रायडर्सची प्लेइंग ११ ? जाणून घ्या.

या खेळाडूला मिळणार प्लेइंग ११ मध्ये स्थान

कोलकाता नाईट रायडर्स हा आयपीएल २०२४ स्पर्धेतील सर्वात यशस्वी संघ आहे. या संघाने आतापर्यंत ९ सामने जिंकत प्लेऑफमध्ये अव्वल स्थान गाठलं आहे. मात्र कोलकाता नाईट रायडर्स संघासाठी चिंता वाढवणारी बाब म्हणजे प्लेऑफच्या सामन्यांमध्ये आक्रमक यष्टीरक्षक फलंदाज फिल सॉल्ट नसणार आहे. त्याच्याऐवजी रहमानुल्लाह गुरबाजला प्लेइंग ११ मध्ये स्थान दिले जाऊ शकते. या सामन्यात तो सुनील नरेनसोबत डावाची सुरुवात करताना दिसून येऊ शकतो.

या हंगामात कोलकाता नाईट रायडर्सचा फलंदाजी क्रम मजबूत असल्याचे पाहायला मिळाले आहे. तिसऱ्या क्रमांकावर नितिश राणा आणि चौथ्या क्रमांकावर श्रेयस अय्यर फलंदाजी करताना दिसून येऊ शकतो. तर पाचव्या क्रमांकावर वेंकटेश अय्यर, सहाव्या क्रमांकावर आंद्रे रसल,रिंकू सिंग आणि रमनदीप सिंग फलंदाजी करण्यासाठी येईल. गोलंदाज म्हणून मिचेल स्टार्क, हर्षित राणा, वरुण चक्रवर्ती यांना प्लेइंग ११ मध्ये स्थान दिले जाऊ शकते.

या सामन्यासाठी अशी असू शकते कोलकाता नाईट रायडर्स संघाची प्लेइंग ११ (KKR vs SRH Playing XI Prediction)

रहमानुल्लाह गुरबाज (यष्टीरक्षक), सुनील नरेन, वेंकटेश अय्यर, नितीश राणा, श्रेयस अय्यर (कर्णधार), रिंकू सिंग, आंद्रे रसेल, रमनदीप सिंग, हर्षित राणा, वरुण चक्रवर्ती आणि मिचेल स्टार्क.