Jasprit Bumrah Injury : टीम इंडियाचा वेगवान गोलंदाजी जसप्रीत बुमराह आंतरराष्ट्रीय क्रिकेटपासून दूर आहे. बॉर्डर-गावस्कर ट्रॉफीदरम्यान त्याला दुखापत झाली होती. या दुखापतीमुळे बुमराहला घरी थांबून आराम करण्याचा सल्ला डॉक्टरांनी दिला होता. यामुळेच चॅम्पियन्स ट्रॉफी २०२५ मध्ये बुमराह खेळताना दिसला नाही. चॅम्पियन्स ट्रॉफीनंतर बुमराह आयपीएललाही मुकणार असल्याचे म्हटले जात होते.

टाइम्स ऑफ इंडियाने दिलेल्या रिपोर्ट्सनुसार, दुखापतींमुळे जसप्रीत बुमराह आयपीएल २०२५ च्या सुरुवातीला मैदानाबाहेर दिसेल. सध्या बुमराह बेंगळुरूमध्ये आहे. बीसीसीआयच्या सेंटर ऑफ एक्सीलेंसमध्ये उपचार घेत आहे. तो गोलंदाजी करण्यासाठी फिट नसल्याची माहिती समोर आली आहे. त्यामुळे आयपीएल २०२५ ला सुरुवातीचे एक ते दोन आठवडे मैदानाच्या बाहेर असणार आहे.

बीसीसीआयच्या सूत्रांनी दिलेल्या माहितीनुसार, बुमराहच्या दुखापतीमध्ये सुधारणा होत आहे. त्याने सेंटर ऑफ एक्सीलेंसमध्ये त्याने गोलंदाजी करायला सुरुवात केली आहे. आयपीएलच्या सुरुवातीच्या कालावधीत गोलंदाजी करणे त्याला शक्य होणार नाही. एप्रिल महिन्यात तो फिट होऊन मैदानामध्ये परत येऊ शकतो.

जसप्रीत बुमराह हा एप्रिल महिन्याच्या पहिल्या किंवा दुसऱ्या आठवड्यात मैदानात खेळण्यासाठी येऊ शकतो असा अंदाज वर्तवला जात आहे. त्यामुळे मुंबई इंडियन्सच्या ३ ते ४ सामन्यांमध्ये सहभागी होणार नाही असे म्हटले जात आहे. जसप्रीत बुमराहच्या फिटनेसची सर्व चाहत्यांनी खूप काळजी लागली आहे.