IPL 2025 News : सध्या भारतामध्ये इंडियन प्रीमियर लीगची चर्चा सुरु आहे. आयपीएल २०२५ मध्ये दररोज रोमांचक सामने पाहायला मिळत आहेत. अशातच आयपीएलसंबंधित नवी माहिती समोर आली आहे. बीसीसीआयने आयपीएलच्या वेळापत्रकामध्ये बदल करण्याचा निर्णय घेतला आहे. आयपीएलच्या वेळापत्रकात कोणता बदल झालाय जाणून घेऊयात..

आयपीएलच्या १९ व्या सामन्याच्या वेळापत्रकामध्ये बीसीसीआयद्वारे बदल जाहीर करण्यात आला आहे. आयपीएल २०२५ मधील कोलकाता नाईट रायडर्स विरुद्ध लखनऊ सुपर जायंट्स एकोणविसावा सामना हा ६ एप्रिल रोजी कोलकाताच्या ईडन गार्डन्स खेळवला जाणार होता. आता हा सामना मंगळवारी ८ एप्रिल रोजी दुपारी ३.३० वाजता खेळवला जाणार आहे. याव्यतिरिक्त वेळापत्रकामध्ये कोणताही बदल नसेल असे बीसीसीआयने स्पष्ट केले आहे.

कोलकाता शहरातील सणवारांच्या पार्श्वभूमीवर सुरक्षा कर्मचाऱ्यांच्या कमतरतेमुळे क्रिकेट असोसिएशन ऑफ बंगाल (CAB) हा सामना पुढे ढकलण्यात आला आहे. बीसीसीआयच्या निर्णयामुळे ६ एप्रिल या डबल हेडरच्या दिवशी सनरायझर्स हैदराबाद आणि गुजरात टायटन्स हा एकच सामना खेळवला जाणार आहे.

रविवारच्या जागी मंगळवारी ८ एप्रिल रोजी डबल-हेडर सामने होतील. दुपारी ईडन गार्डन्स येथे कोलकाता विरुद्ध लखनऊ हा सामना दुपारी खेळवला जाईल. त्यानंतर संध्याकाळी त्याच दिवशी पंजाब किंग्स आणि चेन्नई सुपर किंग्स हा सामना आधीच ठरलेल्या वेळेनुसार खेळला जाईल अशी माहिती बीसीसीआयने दिली आहे.