IPL 2025: आयपीएल २०२५ स्पर्धेपूर्वी सर्व १० संघांनी आपल्या रिटेन केलेल्या खेळाडूंची यादी जाहीर केली आहे. १० संघांनी एकूण ४६ खेळाडूंना रिटेन केलं आहे. तर उर्वरित २०० हून अधिक खेळाडूंना रिलीज करण्यात आलं आहे.
मुंबई इंडियन्सने रोहित शर्माला आपल्या संघात कायम ठेवलं आहे. तर अन्कॅप्ड खेळाडू म्हणून चेन्नईने एमएस धोनीला रिटेन करण्याचा निर्णय घेतला आहे. दरम्यान धक्कादायक बाब म्हणजे ५ संघांनी आपल्या कर्णधारांना रिलीज करण्याचा निर्णय घेतला आहे.
गेल्या हंगामात श्रेयस अय्यरच्या नेतृत्वाखाली खेळताना कोलकाता नाईट रायडर्सने जेतेपदाला गवसणी घातली होती. मात्र आगामी हंगामापूर्वी कोलकाता नाईट रायडर्सने त्याला रिलीज करण्याचा निर्णय घेतला आहे. यावेळी श्रेयस अय्यर ऑक्शनमध्ये असणार आहे.
आगामी हंगामापूर्वी दिल्ली कॅपिटल्सनेही मोठा निर्णय घेतला आहे. गेली ९ वर्ष दिल्लीकडून खेळणाऱ्या रिषभ पंतला दिल्लीने टाटा बायबाय करण्याचा निर्णय घेतला आहे. माध्यमातील वृत्तानुसार रिषभ पंत आगामी हंगामात चेन्नई सुपर किंग्ज संघाकडून खेळताना दिसून येऊ शकतो.
लखनऊ सुपर जायंट्स संघाने आगामी हंगामापूर्वी केएळ राहुलला रिलीज करण्याचा निर्णय घेतला आहे. गेल्या हंगामात सनरायझर्स हैदराबादविरुद्धच्या पराभवानंतर लखनऊचे मालक संजीव गोयंका आणि केएल राहुल यांच्यात वाद झाल्याचे पाहायला मिळाले होते. त्यानंतर केएल राहुल या संघाची साथ सोडणार असल्याची चर्चा सुरु होती. अखेर त्याने या संघाची साथ सोडली आहे.
रॉयल चॅलेंजर्स बंगळुरुने देखील सर्वांना आश्चर्चकीत करणारा निर्णय घेतला आहे. या संघाने विराट कोहली, रजत पाटीदार आणि यश दयालला रिटेन केलं आहे. तर कर्णधार फाफ डू प्लेसिसला संघाबाहेर करण्याचा निर्णय घेतला आहे.
शिखर धवनने २०२२ ते २०२४ पर्यंत पंजाब किंग्ज संघाचं नेतृत्व केलं. त्याने काही महिन्यापूर्वीच निवृत्तीची घोषणा केली आहे. त्यामुळे पंजाबने त्याला रिलीज केलं आहे. आगामी हंगामात पंजाबला नवा कर्णधार मिळू शकतो.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.