गुरुवारी( ११ एप्रिल) झालेल्या सामन्यात मुंबई इंडियन्स आणि रॉयल चॅलेंजर्स बंगळुरू हे दोन्ही संघ आमने सामने आले होते. या स्पर्धेत टिकून राहण्यासाठी हा सामना दोन्ही संघांसाठी अतिशय महत्वाचा होता. मात्र रॉयल चॅलेंजर्स बंगळुरू संघाला पराभवाचा सामना करावा लागला आहे. दरम्यान मुंबई इंडियन्स संघाच्या विजयानंतर गुणतालिकेत मोठा फेरबदल झल्याचे पाहायला मिळाले आहे.

मुंबई इंडियन्स आणि रॉयल चॅलेंजर्स बंगळुरू या दोन्ही संघांमध्ये एकतर्फी लढत पाहायला मिळाली. स्पर्धेतील आव्हान कायम ठेवण्यासाठी आणि गुणतालिकेत वर जाण्यासाठी हा सामना दोन्ही संघांसाठी अतिशय महत्वाचा होता. रॉयल चॅलेंजर्स बंगळुरू संघांतील फलंदाजांनी मोठी धावसंख्या उभारली. मात्र गोलंदाजांना धावांचा बचाव करता आला नाही.

या सामन्यापूर्वी मुंबई इंडियन्स संघाने ४ सामने खेळले आहेत. यापैकी केवळ एका सामन्यात मुंबईला विजय मिळवता आला होता. २ गुणांसह हा संघ आठव्या स्थानी होता. तर ५ पैकी १ सामना रॉयल चॅलेंजर्स बंगळुरूचा संघ गुणतालिकेत ९ व्या स्थानी होता.

आता रॉयल चॅलेंजर्स बंगळुरू संघाला पराभूत केल्यानंतर मुंबई इंडियन्स संघाने गुणतालिकेत सातव्या स्थानी झेप घेतली आहे. मुंबईने ५ सामने खेळले असून २ सामने जिंकले आहेत. तर रॉयल चॅलेंजर्स बंगळुरूचा संघ ९ व्या स्थानी कायम आहे.

असे आहेत सर्व १० संघ ...

१) राजस्थान रॉयल्स

२) कोलकाता नाईट रायडर्स

३) लखनऊ सुपरजायंट्स

४) चेन्नई सुपर किंग्ज

५) सनरायझर्स हैदराबाद

६) गुजरात टायटन्स

७) मुंबई इंडियन्स

८) पंजाब किंग्ज

९) रॉयल चॅलेंजर्स बंगळुरू

१०) दिल्ली कॅपिटल्स