Jonty Rhodes Viral Video:  चेन्नई सुपर किंग्ज आणि लखनऊ सुपर जायंट्स यांच्यातील कालचा सामना पावसामुळे रद्द झाला. सामना रद्द झाल्यामुळे दोन्ही संघांच्या चाहत्यांची निराशा झाली. मात्र या निराशेच्या वातावरणात एक चांगलं दृष्य मैदानात उपस्थित असलेल्या अनेकांनी पाहिलं.

पाऊस सुरु झाल्यानंतर ग्राऊंड स्टाफने तातडीने मैदानावर कव्हर टाकण्यास सुरुवात केली. यावेळी लखनऊ सुपर जायंट्सचा फिल्डिंग कोच जॉन्टी रोड्स देखील ग्राऊंड स्टाफला मदत करताना दिसला. मैदानावरील कव्हर आणण्यासाठी ग्राउंड स्टाफला जॉन्टी रोड्सने मदत केली. (IPL 2023)

जॉन्टी रोड्सचा हा व्हिडीओ सध्या सोशल मीडियावर मोठ्या प्रमाणात व्हायरल होत. जॉन्टी रोड्स कव्हर ओढत असताना तेथील ग्राऊंड स्टाफने त्याला तसं न करण्याची विनंतही केली.

त्यानंतर जॉन्टी मागे हटला. मात्र काही वेळातच पुन्हा एकदा जॉन्टी कव्हर ओढू लागला. व्हिडीओ व्हायरल झाल्यानंतर जॉन्टीचं सर्वत्र कौतुक होत आहे. (Latest sports updates)

कोण आहेत जॉन्टी रोड्स?

जगातील सर्वोत्तम फिल्डर म्हणून जॉन्टी रोड्सची ओळख होती. फिल्डिंग करताना जॉन रोड्स इतका चपळ होता फलंदाज एकदी धाव चोरताना अनेकदा विचार करत असे. जॉन्टी रोड्सने दक्षिण आफ्रिकेसाठी 52 कसोटी आणि 245 एकदिवसीय सामने खेळले आहेत.

त्याने कसोटी क्रिकेटमध्ये 2532 धावा केल्या आहेत तर एकदिवसीय क्रिकेटमध्ये 5935 धावा केल्या आहेत. एकदिवसीय सामन्यांमध्ये रोड्सने 2 शतके आणि 33 अर्धशतके झळकवली आहेत.

सामन्यात काय झालं?

नाणेफेक हारल्यानंतर प्रथम फलंदाजी करताना लखनौ सुपर जायंट्स संघाने 19.2 षटकात 7 विकेट गमावत 125 धावा केल्या होत्या, परंतु त्यानंतर पावसामुळे सामना थांबवावा लागला. दोन्ही संघांना 1-1 गुण देण्यात आला आहे.