Ind vs SL ODI Series: क्रिकेटच्या मैदानातून धोनी निवृत्त झाला असला तरी क्रिकेट प्रेमींच्या काळजात मात्र त्याच्यासाठी खास जागा आहे. भारतीय क्रिकेटमधील सर्वात लोकप्रिय खेळाडू म्हणून महेंद्रसिंग धोनीचे नाव घेतले जाते. मैदानाबाहेर असो किंवा मैदानात असो धोनीचे चाहते त्याच्यासाठी काहीही करायला तयार असतात. याचीच प्रचिती भारत आणि श्रीलंका यांच्यामधील तिसऱ्या आणि शेवटच्या एकदिवसीय सामन्यांवेळी पाहायला मिळाली.

तिरुवनंतपुरमच्या ग्रीनफिल्ड मैदानावर हा सामना सुरू असताना मैदानाबाहेर धोनीच्या भल्यामोठ्या ५० फूटाच्या कटआऊटने सर्वांचेच लक्ष वेधले होते.. (MahendraSingh Dhoni)

भारत आणि श्रीलंका यांच्यातील तीन एकदिवसीय सामन्यांच्या मालिकेतील शेवटचा सामना होणाऱ्या तिरुवनंतपुरमच्या ग्रीनफिल्ड आंतरराष्ट्रीय क्रिकेट स्टेडियमबाहेर धोनीचा तब्बल 50 फुट मोठा कटआऊट लावण्यात आला होता. धोनीच्या केरळमधील चाहत्यांनी त्यांच्या आवडत्या माहीसाठी ग्रीनफिल्ड स्टेडियमच्या बाहेर 50 फूट मोठा कटआउट लावला. ज्याचे फोटो सोशल मीडियावर व्हायरल होत आहेत.

ऑल केरळा धोनी फॅन असोसिएशनतर्फे हा भलामोठा पन्नास फुटाचा कटआऊट उभारण्यात आला आहे. या कटआऊटने क्रिकेटप्रेमींचे चांगलेच लक्ष वेधले आहे. सोशल मीडियावरही धोनीच्या या कटआऊटचे फोटो तुफान व्हायरल होत आहेत.

दरम्यान, भारत आणि श्रीलंका (Srilanka) यांच्यातील तिसरा एकदिवसीय सामन्यात भारतीय संघाने एकतर्फी विजय मिळवला. टीम इंडियाचा हा सर्वात मोठा वनडे विजय ठरला आहे. त्याचसोबत या विजयासह भारतीय संघाने मालिकाही खिशात घातली आहे.