न्यूझीलंडविरुद्धच्या टी २० मालिकेसाठी भारतीय संघाची घोषणा करण्यात आली आहे.  saam tv
Sports

Ind vs NZ T20 Series : भारतीय संघाची घोषणा; 'पब्लिक डीमांड' खेळाडूचं 4 वर्षांनी जोरदार कमबॅक, पण महारथी संघाबाहेर

IND vs NZ T20 Series : न्यूझीलंडविरुद्धच्या टी २० मालिकेसाठी भारतीय संघाची घोषणा करण्यात आली. तब्बल ४ वर्षांच्या प्रतीक्षेनंतर भुवनेश्वर कुमारचं संघात पुनरागमन झालंय. त्यामुळं भारतीय गोलंदाजीची धार आणखी वाढणार आहे.

Nandkumar Joshi

क्रिकेटच्या तिन्ही फॉरमॅटमध्ये म्हणजेच, कसोटी, वनडे आणि टी २० सामन्यांत जगातील तगड्या संघांना कधीही, कुठेही पाणी पाजणाऱ्या भारतीय संघाची गेल्या काही महिन्यांपासून सातत्याने दिसून येणारी सगळ्यात कमकुवत बाजू ठरलेल्या गोलंदाजीची धार आता आणखी वाढणार आहे. पब्लिक डिमांड म्हणजेच, क्रिकेट तज्ज्ञांपासून आजी-माजी खेळाडू ते चाहत्यांमधून ज्याची मागणी केली जात होती, त्या भुवनेश्वर कुमारची भारतीय टी २० संघात कमबॅक झालं आहे. तब्बल चार वर्षांनी भुवनेश्वर भारतीय संघात पुनरागमन करणार आहे. दुसरीकडे, जसप्रीत बुमराह याला संघात स्थान देण्यात आले नाही. त्याचे कारण अद्याप स्पष्ट झालेले नाही.

भारतीय संघ याच महिन्यात न्यूझीलंडच्या दौऱ्यावर रवाना होणार आहे. तिन्ही फॉरमॅटमध्ये मालिका खेळवल्या जाणार आहेत. त्यासाठी भारतीय क्रिकेट नियामक मंडळाने अर्थात बीसीसीआयने मंगळवारी न्यूझीलंडविरुद्धच्या पाच सामन्यांच्या टी २० मालिकेसाठी टीम इंडियाची घोषणा केली आहे.

अनुभवी वेगवान गोलंदाज भुवनेश्वर कुमार याला संघात स्थान देण्यात आले आहे. चार वर्षांनी भुवनेश्वर भारतीय संघाकडून खेळणार आहे. भारतासाठी त्यानं अखेरचा आंतरराष्ट्रीय सामना नोव्हेंबर २०२२ मध्ये खेळला होता. युवा सलामीवीर आणि स्फोटक फलंदाज अशी ओळख असलेला वैभव सूर्यवंशी याच्यावर टीम इंडियाच्या व्यवस्थापनाने पुन्हा विश्वास दाखवला आहे.

न्यूझीलंडविरुद्धच्या टी २० मालिकेसाठी भारतीय संघ पुढीलप्रमाणे :

श्रेयस अय्यर (कर्णधार), अभिषेक शर्मा, संजू सॅमसन, वैभव सूर्यवंशी, ईशान किशन, तिलक वर्मा, अक्षर पटेल, शिवम दुबे, नीतीश कुमार रेड्डी, नमन धीर, प्रिन्स यादव, मयंक यादव, अर्शदीप सिंग, भुवनेश्वर कुमार, वरूण चक्रवर्ती, कुलदीप यादव.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Saturday Horoscope: या 5 राशींच्या नशिबात धनलाभाचे योग, कोणाला मिळणार आनंदाची बातमी? वाचा शनिवारचे राशीभविष्य

जमीन व्यवहारांवर आता आयकर विभागाची नजर! 2 लाखांवरील व्यवहारांची माहिती थेट सरकारला जाणार

Maharashtra News Live Update: वारकरी हा पंढरपूरचा व्हीआयपी आहेत त्यांची काळजी घेणे गरजेचे आहे - एकनाथ शिंदे

Accident News : घरात एकटा कमावता, महिनाभरानंतर कामावर परतला अन् विपरीत घडलं; डिलिव्हरी बॉयचा करुण अंत

South Mumbai to Palghar: १००किमी लांबी,२ भुयारी मार्ग,५ इंटरचेंज; असा असणार मुंबईचा नवा 'कोस्टल रोड'

SCROLL FOR NEXT