भारत आणि वेस्ट इंडिज (WI vs IND) यांच्यात तीन सामन्यांची एकदिवसीय मालिका होणार आहे. त्यातला पहिला सामना 6 फेब्रुवारी रोजी होणार आहे. कोरोनाच्या (Corona) वाढत्या संसर्गाच्या पार्श्वभूमीवर बीसीसीआयने (BCCI) आधीच सांगितले होते की, सर्व सामने अहमदाबादच्या नरेंद्र मोदी स्टेडियमवर (Narendra Modi Stadium) खेळवण्यात येतील. त्याचबरोबर टी-20 मालिकेतील सर्व सामने कोलकात्याच्या ईडन गार्डन्स स्टेडियमवर खेळवले जातील. कोलकात्यातील चाहत्यांना स्टेडियममध्ये येऊन हा सामना पाहता येणार असून, नरेंद्र मोदी स्टेडियममध्ये होणाऱ्या सामन्यांच्या संबंधित एक बातमी समोर आली आहे.

6 फेब्रुवारीला होणारा सामना टीम इंडियासाठी खूप खास असणार आहे. कारण हा संघाचा 1000 वा एकदिवसीय सामना असणार आहे. आणि टीम इंडिया (Team India) हा आकडा गाठणारा जगातील पहिला संघ बनणार आहे.

मात्र, चाहत्यांसाठी एक वाईट बातमी आहे, ती म्हणजे स्टेडियममधून हा ऐतिहासिक सामना थेट पाहण्याचा विचार करत होते. त्यांच्या आनंदावर पाणी फिरले आहे कारण स्टेडियम प्रशासनाने जाहीर केले आहे की हा सामना प्रेक्षकांविनाच खेळवला जाणार आहे. नरेंद्र मोदी स्टेडियममध्ये होणारे तीनही सामने प्रेक्षकांविनाच होणार आहे. त्यासंबंधीचं अधिकृत ट्विटही करण्यात आले आहे.

तिन्ही एकदिवसीय सामने अहमदाबादच्या नरेंद्र मोदी स्टेडियमवर खेळवले जातील. जे दुपारी 1.30 वाजल्यापासून सुरू होतील.

- पहिला सामना - 6 फेब्रुवारी 2022

- दुसरा सामना- 9 फेब्रुवारी 2022

- तिसरा सामना - 11 फेब्रुवारी 2022

भारतीय संघ

रोहित शर्मा (कर्णधार), ऋतुराज गायकवाड, शिखर धवन, विराट कोहली, सूर्यकुमार यादव, श्रेयस अय्यर, दीपक हुडा, वॉशिंग्टन सुंदर, लोकेश राहुल, ऋषभ पंत, दीपक चहर, शार्दुल ठाकूर, युझवेंद्र चहल, कुलदीप यादव, मोहम्मद सिराज, कुलदिप यादव, प्रसिद्ध कृष्णा, आवेश खान.

वेस्ट-इंडिज संघ

किरॉन पोलार्ड (कर्णधार), डॅरेन ब्राव्हो, शमारह ब्रूक्स, ब्रँडन किंग, फॅबियन ऍलन, एनक्रुमाह बनर, जेसन होल्डर, शाई होप, निकोलस पूरन, एकील होसेन, अल्झारी जोसेफ, केमार रोच, रोमॅरियो शेफर्ड, ओडिन स्मिथ, हेडन वॉल्श.

Edited By: Pravin Dhamale