Team India Playing 11 For IND vs WI 3rd ODI: भारत आणि वेस्टइंडीज या दोन्ही संघामध्ये ३ वनडे सामन्यांची मालिका सुरू आहे. मालिकेतील पहिल्या सामन्यात भारतीय संघाने विजय मिळवला होता. तर दुसऱ्या सामन्यात वेस्टइंडीज संघाने दमदार कमबॅक केल्याचे पाहायला मिळाले होते.

सध्या मालिका १-१ च्या बरोबरीत आहे. मालिकेतील निर्णायक सामना १ ऑगस्ट रोजी त्रिनिदादच्या मैदानावर रंगणार आहे. दुसऱ्या सामन्यात भारतीय फलंदाजांना हवी तशी कामगिरी करता आली नव्हती. त्यामुळे तिसऱ्या वनडेसाठी भारतीय संघात काही महत्वाचे बदल केले जाऊ शकतात.

रोहित शर्माच्या नेतृत्वाखाली खेळणाऱ्या भारतीय संघाने पहिल्या वनडेत विजय मिळवला होता. त्यानंतर दुसऱ्या वनडेत भारतीय संघाला पराभवाचा सामना करावा लागला होता. या सामन्यात विराट कोहली आणि रोहित शर्माला विश्रांती दिली गेली होती. मात्र अंतिम सामना जिंकण्यासाठी या दोघांचा प्लेइंग ११ मध्ये समावेश केला जाऊ शकतो.

संजू सॅमसनला विश्रांती...

संजू सॅमसनला विराट कोहलीच्या अनुपस्थितीत तिसऱ्या क्रमांकावर खेळण्याची संधी मिळाली होती. मात्र त्याला हवी तशी कामगिरी करता आली नव्हती. त्याने १९ चेंडूंचा सामना करत अवघ्या ९ धावा केल्या होत्या. त्यामुळे विराट कोहलीचं पुनरागमन होताच संजू सॅमसनला बाहेर केलं जाऊ शकतं. (Latest sports updates)

अक्षर पटेल..

भारतीय संघातील अष्टपैलू खेळाडू अक्षर पटेलला देखील प्लेइंग ११ मधून बाहेर केलं जाऊ शकतं. रविंद्र जडेजा, हार्दिक पंड्या आणि शार्दुल ठाकूर हे गोलंदाजीसह फलंदाजीतही योगदान देत आहेत. त्यामुळे अक्षर पटेलला संघात स्थान मिळणं कठीण आहे.

उमरान मलिक..

वेगवान गोलंदाज उमरान मलिकला देखील हवी तशी कामगिरी करता आली नाही. तो दोन्ही सामन्यांमध्ये पूर्णपणे फ्लॉप ठरला आहे. भन्नाट गतीने गोलंदाजी करण्यासाठी ओळखल्या जाणारा उमरान मलिकला एकही विकेट घेता आला नाही.