India vs West Indies 3rd ODI: भारत आणि वेस्टइंडीज या दोन्ही संघामध्ये सुरू असलेल्या ३ वनडे सामन्यांच्या मालिकेतील तिसरा सामना १ ऑगस्ट रोची रंगणार आहे. भारतीय संघाने पहिल्या वनडेत विजय मिळवला होता. तर दुसऱ्या वनडेत वेस्टइंडीज संघाने दमदार कमबॅक करत विजय मिळवला होता.

सध्या ही मालिका १-१ च्या बरोबरीत आहे. आता दोन्ही संघांना ही मालिका जिकंण्याची समान संधी आहे. दरम्यान या सामन्यापूर्वी भारतीय संघाची चिंता वाढवणारी माहिती समोर आली आहे.

भारतीय संघ तिसरा सामना गमावणार?

वेस्टइंडीज संघाचा कर्णधार शाई होपने आतापर्यंत भारतीय संघाविरूद्ध खेळताना ८ वेळेस ५० पेक्षा अधिक धावांची खेळी केली आहे. त्याने भारतीय संघाविरूद्ध खेळताना सर्वाधिक वेळेस ५० पेक्षा अधिक धावांची खेळी केली आहे.

त्यानंतर बांगलादेश संघाविरूद्ध खेळताना ७ वेळेस आणि श्रालंकेविरूद्ध खेळताना ६ वेळेस ५० पेक्षा अधिक धावांची खेळी केली आहे. ही आकडेवारी पाहून नक्कीच भारतीय संघाच्या चिंतेत वाढ झाली असेल. त्याने आतापर्यंत भारतीय संघाविरूद्ध खेळताना ४९.१५ च्या सरासरीने ८९३ धावा केल्या आहेत. यादरम्यान त्याने ५ शतके आणि ३ अर्धशतके झळकावली आहेत.

भारतीय संघाला या मालिकेतील दुसऱ्या सामन्यात भारतीय संघाला पराभवाचा सामना करावा लागला होता. या सामन्यात देखील शाई होप हा भारतीय संघासाठी व्हिलन ठरला होता.

त्याने ८० चेंडूंचा सामना करत २ चौकार आणि २ षटकारांच्या मदतीने ६३ धावांची खेळी केली होती. तो सध्या जोरदार फॉर्ममध्ये आहे. त्यामुळे तिसऱ्या सामन्यातही भारतीय संघाला शाई होपपासून सावध राहावं लागणार आहे. (Latest sports updates)

मालिका १-१ ने बरोबरीत..

या मालिकेतील पहिल्या वनडे सामन्यात भारतीय संघाने ५ गडी राखून विजय मिळवला होता. या सामन्यात ईशान किशन आणि कुलदीप यादव भारतीय संघाच्या विजयाचे हिरो ठरले होते. तर दुसऱ्या सामन्यात वेस्टइंडीज संघाने दमदार कमबॅक करत ६ गडी राखून विजय मिळवला होता.