Ind vs Nz Final : चॅम्पियन्स ट्रॉफी २०२५ चा अंतिम सामना सुरु आहे. न्यूझीलंडच्या कर्णधाराने टॉस जिंकत पहिल्यांदा फलंदाजी केली. न्यूझीलंडच्या संघाने २५१ धावा केल्या. त्यानंतर भारतीय खेळाडू फलंदाजीसाठी मैदानात उतरले. सध्या भारताचा रन चेज सुरु आहे. याच दरम्यान टीम इंडियाचा हेड कोच गौतम गंभीर सोशल मीडियावर ट्रोल होत आहे.

गौतम गंभीरने भारत विरुद्ध न्यूझीलंड सामन्यादरम्यान सोशल मीडियावर एक प्रमोशनल पोस्ट शेअर केली. या पोस्टमध्ये एका अ‍ॅपची लिंक मेन्शन केली. पोस्टच्या कॅप्शनमध्ये 'Ro Ko ची जोडी भारताला आणखी एक चॅम्पियन्स ट्रॉफी जिंकवून देईल का? ट्रेड करा आणि प्रश्नांची उत्तरे द्या आणि जिंका भरघोष बक्षीस' असे म्हटले होते.

या पोस्टवरुन नेटकऱ्यांनी गौतम गंभीरला धारेवर धरले आहे. काही यूजर्सनी त्याच्या एका जुन्या पोस्टचा स्कीनशॉट शेअर केला. त्या पोस्टमध्ये तत्कालीन बीसीसीआयचे अध्यक्ष सौरव गांगुली यांच्यावर एका अ‍ॅपच्या प्रमोशनवरुन टीका केल्याचे पाहायला मिळते. या संपूर्ण प्रकरणावरुन चाहते गंभीरला ट्रोल करत आहेत.

चॅम्पियन्स ट्रॉफी २०२५ साठी टीम इंडियाच्या निवडीवरुन गौतम गंभीरवर टीका करण्यात आली होती. वरुण चक्रवर्ती आणि हर्षित राणाला संघात घेतल्याने अनेकजण गंभीरवर चिडले होते. पण त्याच्या या निर्णयामुळे भारताला प्रचंड फायदा झाला. त्यातही वरुण चक्रवर्ती हा टीम इंडियासाठी लकी ठरला.