इंग्लंडविरुद्धच्या टी-20 मालिकेसाठी टीम इंडियाची घोषणा करण्यात आली आहे. बीसीसीआयच्या वरिष्ठ निवड समितीने या महिन्याच्या अखेरीस इंग्लंडविरुद्धच्या टी-20 मालिकेसाठी कर्णधार सूर्यकुमार यादवच्या नेतृत्वाखाली संघाची घोषणा केलीय. मात्र, निवड समितीने सध्या वनडे मालिका आणि चॅम्पियन्स ट्रॉफीची निवड काही दिवसांसाठी पुढे ढकललीय.

दरम्यान जाहीर करण्यात आलेल्या संघात निवड समितीने क्रिकेट प्रेमींना आनंदाचा धक्का दिलाय. खूप दिवसांपासून संघाबाहेर असलेला भारताचा जलदगती गोलंदाज मोहम्मद शमीच पुरागम झालंय. एक वर्षाहून अधिकचा काळापासून तो मैदानाबाहेर होता.

बीसीसीआयच्या मुख्यालयात शनिवारी ११ जानेवारी रोजी मुख्य निवडकर्ता अजित आगरकर यांच्या अध्यक्षतेखाली निवड समितीची बैठक झाली. या बैठकीत संघाची निवड करण्यात आली. त्यानंतर निवड झालेल्या खेळाडूंची नावे जाहीर करण्यात आली.