इंग्लंडविरुद्ध सुरु असलेल्या शेवटच्या कसोटीत रोहित शर्माने शानदार शतकी खेळी केली आहे. भारत आणि इंग्लंड यांच्यातील शेवटचा कसोटी सामना धरमशालेच्या मैदानावर सुरु आहे. या सामन्यात भारतीय रोहित आणि शुभमन गिलने मिळून इंग्लंडच्या गोलंदाजांचा चांगलाच समाचार घेतला. दरम्यान रोहितचं हे शतक अतिशय खास ठरलं आहे.
इंग्लंडने केलेल्या २१८ धावांचा पाठलाग करण्यासाठी भारतीय संघाकडून रोहित शर्मा आणि यशस्वी जयस्वालची जोडी मैदानावर आली. यशस्वी जयस्वाल अर्धशतकी खेळी करत माघारी परतला. त्यानंतर रोहित आणि गिलने मिळून भारतीय संघाचा डाव सांभाळला. रोहितने १५४ चेंडूंचा सामना करत आपलं शतक पूर्ण केलं.
हे त्याच्या कसोटी कारकिर्दीतील १२ वे शतक ठरले आहे. तसेच त्याच्या आतंरराष्ट्रीय कारकिर्दीतील ४८ वे शतक ठरले आहे. या खेळीसह त्याने आतंरराष्ट्रीय क्रिकेटमध्ये सर्वाधिक शतकं झळकावण्याच्या बाबतीत हेड कोच राहुल द्रविडची बरोबरी केली आहे.
राहुल द्रविडनेही आपल्या आतंरराष्ट्रीय कारकिर्दीत ४८ शतकं झळकावली होती. या यादीत भारताचा मास्टर ब्लास्टर सचिन तेंडुलकर अव्वल स्थानी आहे. सचिनच्या नावे १०० शतकं झळकावण्याची नोंद आहे. तर विराट कोहलीने ८० शतकं झळकावली आहेत. (Cricket news in marathi)
आतंरराष्ट्रीय क्रिकेटमध्ये भारतीय संघाकडून सर्वाधिक शतकं झळकावणारे फलंदाज..
सचिन तेंडुलकर - १०० शतकं
विराट कोहली- ८० शतकं
रोहित शर्मा- ४८ शतकं*
राहुल द्रविड - ४८ शतकं
तसेच आतंरराष्ट्रीय क्रिकेटमध्ये सक्रिय असलेल्या खेळाडूंमध्ये सर्वाधिक शतकं झळकावणाऱ्या फलंदाजांच्या यादीत रोहित शर्मा जो रुटला मागे सोडत तिसऱ्या स्थानी पोहोचला आहे. रोहितने ४८ शतकं झळकावली आहेत. या यादीत विराट कोहली अव्वल स्थानी आहे. विराटने ८० शतकं झळकावली आहेत. तर डेव्हिड वॉर्नरने ४९ शतकं झळकावली आहेत.
आतंरराष्ट्रीय क्रिकेटमध्ये सक्रिय असलेल्या खेळाडूंमध्ये सर्वाधिक शतकं झळकावणारे फलंदाज..
विराट कोहली - ८० शतकं
डेव्हिड वॉर्नर - ४९ शतकं
रोहित शर्मा - ४८ शतकं*
जो रुट - ४७ शतकं
केन विलियमसन- ४५ शतकं
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.