एमएस धोनीने आपल्या कारकिर्दीत अनेक रोमांचक विजय मिळवले आहेत. असाच एक विजय आजपासून बरोबर सहा वर्षापुर्वी भारताने बंगलादेशविरुद्ध मिळवला होता. हा सामना टी-२० विश्वचषकात झाला होता. हा सामना भारताने (Team India) एका रनाने जिंकला होता. ३ चेंडूत बंगालादेशला २ धावांची गरज होती आणि हातात चार विकेट होत्या. तरीही बांगलादेशला हा सामना गमवावा लागला होता. धोनीने शेवटच्या चेंडूवरती मुस्तिफिजुर रहमान आपल्या अंदाजात रन आऊट (MS Dhoni Run-out) केले आणि बंगालादेशाने जवळजवळ जिंकलेला सामना आपल्या पारड्यात खेचून आणला.

ICC T20 विश्वचषकाच्या सुपर-10 सामन्यात भारताने प्रथम फलंदाजी करताना अवघ्या 146 धावा केल्या होत्या. प्रत्युत्तरात बांगलादेशला शेवटच्या षटकात 11 धावांची गरज होती. हार्दिक पांड्याच्या पहिल्या ३ चेंडूत ९ धावा झाल्या. मात्र असे असतानाही धोनीच्या कर्णधारपदाच्या जोरावर भारताने सामना जिंकला.

बांगलादेशी खेळाडू चिडवत होते

हार्दिक पांड्याने सांगितले की, जेव्हा तो शेवटची षटक टाकत होता, तेव्हा मुशफिकुर रहीम तीन चेंडूंनंतर त्याच्यासमोर विजय साजरा करत होता पण जेव्हा सामना फिरला आणि भारत जिंकला तेव्हा या भारतीय अष्टपैलू खेळाडूने बांगलादेशी डगआउटमध्ये जाऊन त्याला छेडले. भारताच्या विजयानंतर विराट कोहलीही आक्रमकपणे सेलिब्रेशन करताना दिसला होता.

Edited By: Pravin Dhamale