शांत, संयमी, बोलंदाजी कमी, पण धारदार फलंदाजी, पहिल्याच टी २० सामन्यात वेस्ट इंडिजची जोरदार धुलाई करणारा 'सरपंच' आणि भारतीय संघाचा कर्णधार श्रेयस अय्यरनं टी २० आंतरराष्ट्रीय रँकिंगमध्ये सरस कामगिरी केलीय. आयसीसीने जाहीर केलेल्या ताज्या रँकिंगमध्ये अय्यरने हनुमान उडी घेत थेट टॉप टेनमध्ये दिमाखात एन्ट्री केली आहे.
भारताचा कर्णधार श्रेयस अय्यर यानं वेस्ट इंडिजविरुद्ध मंगळवारी झालेल्या टी २० सामन्यात तडाखेबंद शतक ठोकलं. डोळ्यांचं पारणं फेडणारी त्याची खेळी होती. त्याच्या काही तासांतच आयसीसीने टी २० रँकिंग जाहीर केली. शतकी खेळीचा श्रेयस अय्यरला चांगलाच फायदा झाला. रँकिंगमध्ये अय्यरनं जबरदस्त झेप घेतली. त्याला १८ स्थानांचा फायदा झाला असून, तो थेट अव्वल दहा जणांच्या यादीत पोहोचला. तर 'घातक' फलंदाज ईशान किशन पहिल्या स्थानी कायम आहे.
भारत विरुद्ध वेस्ट इंडिज यांच्यात टी २० मालिका सुरू आहे. त्याचवेळी आयसीसीने टी २० आंतरराष्ट्रीय रँकिंग जाहीर केली आहे. त्यात भारताचा स्टार युवा फलंदाज ईशान किशन हा पहिल्या स्थानी कायम आहे. त्याची रेटिंग ९०२ आहे. त्याच्या रेटिंगमध्ये घसरण झाली असली तरी, पहिलं स्थान कायम असून, सध्या तरी त्याच्या आसपास कुणी नाही. तर भारताचा सलामीवीर अभिषेक शर्मा दुसऱ्या स्थानी आहे. त्याची रेटिंग ८८७ आहे.
ताज्या क्रमवारीत सर्वाधिक फायदा श्रेयस अय्यरला झाला. अय्यरने वेस्ट इंडिजविरुद्धच्या पहिल्या टी २० सामन्यात अवघ्या ४३ चेंडूंत १०२ धावांची तुफानी खेळी केली. त्यात दहा चौकार आणि सहा षटकारांचा समावेश आहे. टी २० आंतरराष्ट्रीय सामन्यांत त्याचं हे पहिलं शतक आहे. या खेळीच्या जोरावर टी २० रँकिंगमध्ये अय्यरने मोठी झेप घेतली आहे. त्याला १८ स्थानांचा फायदा झाला असून, ७८६ रेटिंगसह तो थेट सातव्या क्रमांकावर पोहोचला आहे.
श्रेयस अय्यरची ही आतापर्यंतची सर्वोच्च रेटिंग आहे. यापूर्वी अय्यर ६११ रेटिंगसह २५ व्या स्थानी होता. आता त्याची रेटिंग ६३० आहे. विशेष म्हणजे, भारत विरुद्ध वेस्ट इंडिज मालिकेतील चार सामने व्हायचे आहेत. जर या सामन्यांमध्ये अय्यरने चांगली कामगिरी केली तर, त्याला टी २० क्रमवारीत अव्वल पाच जणांमध्ये स्थान मिळवण्याची नामी संधी आहे. दुसरीकडे, वेस्ट इंडिजचा कर्णधार शे होप याला एका स्थानाचा फायदा झाला आहे. तो आता १३ व्या स्थानी पोहोचलाय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.