विश्वचषक 2023 स्पर्धेला अगदी आठवडाभराचा कालावधी बाकी असताना दक्षिण आफ्रिकेचा माजी खेळाडू एबी डिव्हिलियर्सने एक मोठी भविष्यवाणी केली आहे. विराट कोहलीने विश्वचषकानंतर एकदिवसीय क्रिकेटमधून निवृत्ती घेतल्यास आश्चर्य वाटू नये, असं एबी डिव्हिलियर्सने म्हटलं आहे. त्याच्या या भविष्यवाणीमुळे क्रिडाविश्वात मोठी खळबळ उडाली आहे. (Latest Marathi News)
टीम इंडियाचा माजी कर्णधार विराट कोहलीला (Virat Kohli) क्रिकेटचे 'रन मशीन' म्हणून ओळखले जाते. विराटची खेळाविषयी असलेली मजबूत मानसिकता, फलंदाजीची शैली आणि खेळाप्रती असलेला त्याचा आक्रमक दृष्टिकोन यामुळे त्याला हे बिरुद मिळाले आहे. अशातच विराट कोहलीने जर निवृत्तीचा मार्ग पत्कारला, तर भारतीय संघाच्या फलंदाजीत मोठी पोकळी निर्माण होईल.
एबी डिव्हिलियर्सने आपल्या युट्यूबवरून आगामी विश्वचषक (Sport News) स्पर्धेचं विश्लेषण केलं. यावेळी त्याने विराट कोहलीचं विशेष कौतुक केलं. विराट कोहली सध्या जोरदार फॉर्ममध्ये आहे. नुकत्यात झालेल्या आशिया चषक स्पर्धेत विराटने पाकिस्तानविरुद्ध आपले ४७ वे वनडे शतक पूर्ण केलं. भारताने आशिया कप स्पर्धा जिंकण्यात त्याचा मोलाचा वाटा होता, असं एबी डिव्हिलियर्स म्हणाला.
भारतीय संघ यंदाची विश्वचषक स्पर्धा जिंकण्याचा प्रमुख दावेदार असल्याचं एबी डिव्हिलियर्स म्हणाला. जर भारत जगज्जेता झाला, तर विराट कोहली वनडे क्रिकेटमधून निवृत्तीचा विचार करेल, असंही डिव्हिलियर्सने म्हटलं आहे. विराटकडे क्रिकेटसाठी अजूनही बराच वेळ बाकी आहे. मला वाटते तुम्ही विराटला निवृत्तीबाबत विचारलं, तर तोही तुम्हाला हेच सांगेल, असंही डिव्हिलियर्सने म्हटलं आहे.
पुढे बोलताना डिव्हिलियर्स म्हणाला, "जागतिक क्रिकेटमध्ये जवळपास प्रत्येक यश संपादन करणारा कोहली अजूनही त्याच वेगाने धावा काढत आहे. तो क्रिकेटच्या सर्व फॉरमॅटमध्ये मेन इन ब्लूसाठी (टीम इंडियासाठी) आवडता फलंदाज आहे. विराट कोहली अशा तुफान फॉर्ममध्ये असताना भारताने जर मायदेशात विश्वचषक स्पर्धा जिंकली, तर ही त्याच्या निवृत्तीची सर्वोत्तम वेळ असेल".
Edited by - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.