Virat Kohli 5 crore Premanand Maharaj claim : प्रेमानंद महाराज यांच्या आश्रमाला भेट देण्यासाठी विराट कोहली आणि अनुष्का शर्मा यांनी ५ कोटी रुपये घेतल्याचा, असा गंभीर दावा फलाहारी बाबा दिनेश शर्मा यांनी केला होता. त्यानंतर सोशल मीडियावर एकच खळबळ उडाली होती. पण यावर आता विराट कोहलीकडून स्पष्टीकरण आले आहे. (Virat Kohli team statement on 5 crore allegation)

फलाहारी बाबाचे हे आरोप विराट कोहलीच्या टीमकडून हे सर्व आरोप फेटाळून लावले आहेत. ५ कोटींचा केलेला दावा पूर्णपणे खोटा, निराधार आणि बदनामी करणारे आहेत. विराट कोहली आणि अनुष्का शर्मा हे केवळ स्वतःच्या श्रद्धेने आणि आस्थेने प्रेमानंद महाराजांच्या दर्शनासाठी वृंदावनला जातात. यात कसलाही पैशांचा व्यवहार झालेला नाही. अफवा पसरवणाऱ्यांविरोधात कायदेशीर कारवाई करण्याचा इशाराही कोहलीच्या टीमकडून देण्यात आला आहे. (Anushka Sharma Premanand Maharaj, Virat Kohli statement)

नेमका दावा काय होता?

प्रेमानंद महाराजांच्या आश्रमात आमंत्रित करण्यासाठी विराट कोहलीला ५ कोटी रुपये देण्यात आले होते असा दावा करण्यात आला होता. पण आश्रमाशी संबंधित एका शिष्याने हा दावा खोटा असल्याचे सांगितले होते. आता विराट कोहलीच्या टीमकडूनही फलाहरी महाराज दिनेश शर्मा यांचा दावा पूर्णपणे खोटा असल्याचे सांगितले आहे.

विराट कोहलीच्या टीमने जारी केलेल्या या स्पष्टीकरणामुळे या प्रकरणातील सर्व चर्चांना आणि अफवांना पूर्णविराम मिळाला आहे. अशा कोणत्याही खोट्या बातम्या किंवा अफवा पसरवण्यापूर्वी मीडियाने सत्य तपासून घ्यावे, असे आवाहनही कोहलीकडून कऱण्यात आले आहे.

"विराट कोहलीच्या बाबत फलाहरी महाराज दिनेश शर्मा यांनी केलेले सर्व दावे पूर्णपणे खोटे, निराधार आणि वस्तुस्थितीला धरून नाहीत," असे स्पष्टीकरण विराट कोहलीच्या टीमकडून अधिकृत निवेदनाद्वारे दिले आहे. विराट कोहली आणि त्याची पत्नी अनुष्का शर्मा यांनी अनेकदा वृंदावनमध्ये जाऊन प्रेमानंद महाराजांचे दर्शन घेतले आहे. या भेटींचे फोटो आणि व्हिडिओही समोर आले होते. विराट केवळ आपल्या गाढ श्रद्धेपोटी आणि भक्तीभावाने प्रेमानंद महाराजांच्या दर्शनाला जातो. त्यामुळे या धार्मिक भेटींचा संबंध इतर कोणत्याही खोट्या दाव्यांशी जोडला जाऊ नये, असे कोहलीच्या टीमने स्पष्ट केले आहे.