इंग्लंड आणि वेस्टइंडिज या दोन्ही संघांमध्ये कसोटी मालिकेचा थरार सुरु आहे. मालिकेतील दुसरा कसोटी सामना नॉटींगहॅमच्या ट्रेंटब्रिजमध्ये सुरु आहे. या सामन्यात प्रथम फलंदाजी करताना इंग्लिश फलंदाजांनी बॅझबॉल स्टाईलने वेस्टइंडिजच्या गोलंदाजांची चांगलीच धुलाई केली. बेन स्टोक्सच्या नेतृ्त्वाखाली खेळणाऱ्या संघाने पहिल्याच दिवशी ८८.३ षटकात ४१६ धावा चोपल्या. इंग्लंडकडून फलंदाजी करताना ओली पोपने सर्वाधिक १२१ धावा चोपल्या. तर डकेटने ७१ धावा केल्या.
घरच्या मैदानावर खेळताना इंग्लंडच्या फलंदाजांनी वेस्टइंडिजच्या गोलंदाजांना बॅझबॉल स्टाइल दणका दिला आहे. इंग्लंडकडून फलंदाजी करताना पोपने १२१ धावा केल्या. तर बेन स्टोक्सने ६९ धावा चोपल्या. तर जेमी स्थिथ आणि हॅरी ब्रुकने ३६-३६ धावा केल्या. इंग्लंडने पहिल्याच दिवशी फलंदाजी करताना ४१६ धावा चोपल्या असल्या तरीदेखील या संघाला टॉप १० मध्ये प्रवेश करता आलेला नाही.
इंग्लंड विरुद्ध भारत - ५८८ धावा, २५ जुलै, १९३६
इंग्लंड विरुद्ध दक्षिण आफ्रिका- ५२२ धावा, २८ जून १९२४
श्रीलंका विरुद्ध बांगलादेश - ५०९ धावा, २१ जुलै २००२
इंग्लंड विरुद्ध दक्षिण आफ्रिका - ५०८ धावा, १७ ऑगस्ट, १९३५
पाकिस्तान विरुद्ध इंग्लंड- ५०६ धावा, १ डिसेंबर २०२२
इंग्लंड विरुद्ध पाकिस्तान - ४९६ धावा, १ जुलै १९५४
ऑस्ट्रेलिया विरुद्ध दक्षिण आफ्रिका - ४९४ धावा- ९ डिसेंबर १९१०
इंग्लंड विरुद्ध दक्षिण आफ्रिका- ४९२ धावा- १७ ऑगस्ट, १९३५
इंग्लंड विरुद्ध न्यूझीलंड- ४९१ धावा, ११ जून १९४९
ऑस्ट्रेलिया विरुद्ध भारत- ४८२ धावा, २ जानेवारी २०००
या डावात इंग्लंडचे फलंदाज चमकले. तर वेस्टइंडिजच्या गोलंदाजांबद्दल बोलायचं झालं, तर अल्जारी जोसेफने सर्वाधिक ३ गडी बाद केले. तर केविन सिंक्लेयर आणि केवम हॉजने प्रत्येकी २ गडी बाद केले. शोएब बशीरच्या रुपात इंग्लंडचा शेवटचा विकेट पडला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.