ENG vs NED:

विश्वचषकाच्या आज बुधवारी झालेल्या सामन्यात इंग्लंडने नेदरलँडला मात देत तब्बल १६० धावांच्या फरकाने विजय मिळवला. इंग्लंडने विश्वचषकात दुसरा विजय मिळवला आहे. या आधी इंग्लंडने बांगलादेशला पराभूत केले होते. (Latest Marathi News)

विश्वचषकाच्या ४० सामन्यात बेन स्टोक्सने आक्रमक खेळी करत शतकी खेळी खेळली. इंग्लंडने प्रथम फलंदाजी करताना ९ गडी गमावून ३३९ धावा काढल्या. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

इंग्लंडने दिलेल्या आव्हानाचा पाठलाग करताना नेदरलँडचा संघ १७९ धावांवर ढेपाळला. तेजाने नेदरलँडसाठी सर्वाधिक धावा काढल्या. तर इंग्लंडकडून मोईन अली-आदिल रशीदने प्रत्येकी ३-३ गडी बाद केले. नेदरलँडचा पराभव करत विश्वचषकाच्या गुणतालिकेत इंग्लंड संघ सातव्या स्थानावर पोहोचला आहे. दुसरीकडे नेदरलँडचा संघ गुणतालिकेत सर्वात शेवटच्या स्थानावर पोहोचला आहे.

नेदरलँडने आव्हानाचा पाठलाग करताना त्यांच्या सलामीवीरांना चांगली सुरुवात केली नाही. पाचव्या षटकात मॅक्सने क्रिस वोक्सला बाद केलं. त्यानंतर कोलिनही बाद झाला. बारेसीने संघाचा डाव सांभाळण्याचा प्रयत्न केला. मात्र, त्याला फारसं यश आलं नाही. त्याने ६२ चेंडूत ३७ धावा कुटल्या. अॅडवर्डला बाद झाल्यानंतर नेदरलँडची पडझड सुरुच राहिली. अखेर नेदरलँडचा संघ १७९ धावांवर ढेपाळला. यानंतर इग्लंडने तब्बल १६० धावांनी सामना जिंकला.