ऋतराज गायकवाडच्या तुफानी खेळीच्या जोरावर चेन्नई सुपर किग्जला २०१२ धावांपर्यंत मजल मारता आला. ऋतराज गायकवाडने ५४ चेंडून ९८ धावा केल्या. त्याचं शतक अवघ्या दोन धावांनी हुकलं. सरनरायझर्स हैदराबादसमोर २१३ धावांच लक्ष्य ठेवलं आहे. ऋतुराज आणि डॅरिल मिशेल यांनी शानदार फलंदाजी करत दुसऱ्या विकेटसाठी १०७ धावांची शतकी भागीदारी केली.

चेन्नईचा संघ नाणेफेक गमावून प्रथम फलंदाजी करण्यासाठी मैदानात उतरला होता. मात्र सुरुवात खराब झाली होती. वेगवान गोलंदाज भुवनेश्वर कुमारने सलामीवीर अजिंक्य रहाणेला बाद करत चेन्नईला पहिला धक्का दिला. यानंतर ऋतुराज आणि डॅरिल मिशेल यांनी शानदार फलंदाजी करत दुसऱ्या विकेटसाठी १०७ धावांची शतकी भागीदारी करत डाव सावरला. या दरम्याने गायकवाडने या हंगामातील तिसरे अर्धशतक झळकावले, ९८ धावांवर असताना तो शतक झळकवेल असं वाटत होतं, मात्र अवघ्या दोन धावांनी त्याचं शतक हुकलं, तर डॅरिलही आपलं अर्धशतक पूर्ण करण्यात यशस्वी ठरला.

त्यानंतर जयदेव उनाडकटने डॅरिल मिशेलला बाद केलं आणि ही शतकी भागीदारी संपुष्टात आणली. मिचेलने ३२ चेंडूंच्या खेळीत ७ चौकार आणि १ षटकार ठोकला. यानंतर शिवम दुबेने गायकवाड यांना चांगली साथ दिली. गायकवाडने दुसऱ्या बाजूने आक्रमक खेळी सुरू ठेवली आणि सलग दुसरे शतक झळकावण्याच्या जवळ पोहोचला. मात्र, टी. नटराजनने गायकवाडला शेवटच्या षटकाच्या दुसऱ्या चेंडूवर बाद करून शतकापासून रोखलं. गायकवाडने ५४ चेंडूत १० चौकार आणि ३ षटकार मारले.