ICC World Cup 2023 Team India Player List

वनडे विश्वचषक स्पर्धेला आता आठवडाभर इतका कालावधी उरला आहे. आपल्या संघातील खेळाडू फिट राहावे, यासाठी प्रत्येक टीम इंडियासह इतर संघ खेळाडूंच्या फिटनेसवर अधिकच लक्ष देत आहेत. एकीकडे पाकिस्तान संघातील खेळाडूंना फिटनेसचं ग्रहण लागलं असताना दुसरीकडे टीम इंडियासाठी देखील वाईट बातमी समोर आली आहे. (Latest Marathi News)

भारतीय संघ सध्या ऑस्ट्रेलियाविरुद्ध ३ सामन्यांची वनडे मालिका खेळत आहेत. या मालिकेतील तिसरा सामना लवकरच खेळवण्यात येणार आहे. या सामन्यासाठी  टीम इंडियाने (Team India) आपला संघ जाहीर केला असून अनेक खेळाडूंना विश्रांती देण्यात आली आहे. महत्वाची बाब म्हणजे यामध्ये अक्षर पटेलचं नाव नाहीये.

अक्षरला आशिया कप स्पर्धेत बांग्लादेशविरुद्ध खेळताना दुखापत झाली होती. त्यानंतर तो ऑस्ट्रेलियाविरुद्धच्या पहिल्या दोन वनडे सामन्यात खेळू शकला नाही. आता वर्ल्डकप सुरु होण्याआधी तो पूर्णपणे फिट होऊन भारतीय संघात पुनरागमन करेल, अशी सर्वांना आशा होती. ऑस्ट्रेलियाविरुद्धच्या तिसऱ्या सामन्यात देखील अक्षर पटेलचं नाव नाहीये.

दरम्यान अक्षर पटेल तिसऱ्या सामन्यात अक्षर पूर्णपणे फिट असेल तरच त्याला खेळवण्यात येईल, असं बीसीसीआयने आधीच सांगितलं होतं. आता तिसऱ्या सामन्यात अक्षर पटेल याचं नाव नाहीये. त्यामुळे अक्षर पटेल पूर्णपणे फिट आहे की नाही, याबाबत अजूनही सांशकता आहे.

दुसरीकडे अक्षर पटेलच्या जागी भारतीय संघ व्यवस्थपनाने ऑस्ट्रेलियाविरुद्धच्या सामन्यात रविचंद्रन आश्विन आणि वॉशिग्टन सुंदर यांची निवड केली आहे. त्यामुळे अक्षर जर वर्ल्डकपपूर्वी पूर्णपणे फिट झाला नाही. तर आश्विन किंवा सुंदरला त्याच्या जागी संधी मिळू शकते. वर्ल्डकपसाठी आधीच सर्व संघांनी आपल्या १५ खेळाडूंची यादी जाहीर केली आहे. मात्र, या यादीत २८ सप्टेंबरपर्यंत बदल करता येणार आहे.

Edited by - Satish Daud