Summary -

• अर्शदीप सिंगवर आयसीसीने मोठी कारवाई केली

• आचारसंहितेचे उल्लंघन केल्याप्रकरणी ही कारवाई करण्यात आली

• टी-२० वर्ल्ड कप फायनलमध्ये त्याने डॅरिल मिशेलवर रागात बॉल फेकला होता

• आयसीसीने त्याच्या मॅच फीमधील १५ टक्के रक्कम म्हणजे सुमारे ३ लाख रुपये कापले

टी- २० वर्ल्ड कपमध्ये टीम इंडियाने उत्कृष्ट कामगिरी केली. ८ मार्चला अहमदाबादमधील नरेंद्र मोदी स्टेडिअमवर टीम इंडियाने इतिहास रचला. टी-२० च्या अंतिम सामन्यामध्ये टीम इंडियाने न्यूझिलंडच्या टीमचा दारूण पराभव केला. या सामन्यात टीम इंडियाच्या सर्वच खेळाडूचे योगदान खूपच महत्वाचे ठरले. चांगली कामगिरी करून देखील टीम इडियाचा खेळाडू अर्शदीप सिंगविरोधात आयसीसीने मोठी कारवाई केली.

टीम इंडियाना चॅम्पियन बनवण्यात महत्वाची भूमिका बजावून देखील आयसीसीने अर्शदीपवर दंडात्मक कारवाई केली. आयसीसीने अर्शदीप सिंगला आचारसंहितेचे उल्लंघन केल्याप्रकरणी दोषी ठरवले. त्याच्या मॅच फीपैकी १५ टक्के रक्कम कापण्यात आली आहे. टी- २० वर्ल्ड कपच्या अंतिम सामन्यादरम्यान अर्शदीपने न्यूझीलंडचा बॅट्समन डॅरिल मिशेलवर रागाने बॉल फेकला होता. त्यामुळे मैदानावर काही वेळासाठी गोंधळ उडाला होता. अर्शदीपने नंतर या खेळाडूची माफी देखील मागितली होती पण तरी देखील त्याच्यावर कारवाई करण्यात आली आहे.

घडलं असं की, सामन्यादरम्यान न्यूझीलंडचा बॅट्समन डॅरिल मिशेल बॅटिंग करत होता तर टीम इंडियाचा खेळाडू अर्शदीप बॉलिंग करत होता. मिशेलने दुसऱ्या आणि तिसऱ्या बॉलमध्ये सिक्स मारले. त्यामुळे अर्षदीपला राग आला. पाचव्या बॉलवर मिशेलने जोरदार शॉट मारण्याचा प्रयत्न केला. पण बॉल थेट अर्शदीपच्या हातात आला. त्यानंतर अर्शदीपने मिशेलच्या दिशेने बॉल केलला आणि तो बॉल मिशेलला लागला. अर्शदीपच्या या वागण्याने मिशेल चिडला. यावेळी अंपायर आणि कॅप्टन सूर्यकुमार यांना हस्तक्षेप करावा लागला. त्यानंतर अर्शदीपने मिशेलची माफी मागितली.

अर्शदीपच्या या कृतीचा व्हिडीओ सोशल मीडियावर व्हायरल झाले आहे. टी-२० वर्ल्ड कप जिंकल्याचा टीम इंडियाने जल्लोष केला. अर्शदीपने चांगली कामगिरी करून देखील आता त्याच्यावर आसीसीने कारवाई केली. त्याची मॅच फीमधील १५ टक्के रक्कम म्हणजे ३ लाख रुपये कापण्यात आले. या दंडात्मक कारवाईसह त्याला १ डिमेरिट्स गुणही दिला गेला आहे. अर्शदीपने आयसीसीचा लेव्हल १ चा नियम मोडला.