बीसीसीआयनं (BCCI) भारतीय संघाचा प्रमुख फिरकीपटू गोलंदाज आर अश्विन (R Ashwin) आणि महिला क्रिकेट संघाची कर्णधार मिथाली राज (Mithali Raj) यांच्या नावाची राजीव गांधी खेल रत्न पुरस्कारासाठी शिफारस करण्याचा निर्णय घेतला आहे. लोकेश राहुल, जसप्रीत बुमराह आणि शिखर धवन यांची अर्जुन पुरस्कारासाठी शिफारस करण्यात आली आहे.

माध्यामांशी बोलताना सूत्रांनी सांगितले की, आम्ही या शिफारशींबाबत सविस्तर चर्चा केली आणि चर्चेनंतर अश्विन व मिताली यांचे नाव खेल रत्न पुरस्कारासाठी पाठवण्याचे ठरवण्यात आले. तसेच अर्जुन पुरस्कारासाठी शिखर धवन, लोकेश राहुल आणि जसप्रीत बुमराह यांच्या नावाची शिफारस करण्यात आली आहे.

राष्ट्रीय क्रीडा पुरस्कारांसाठी क्रीडा मंत्रालयानं वेळ वाढवून दिली होती. याआधी 21 जून ही अखेरची तारीख देण्यात आली होती. मागच्या वर्षी मनिका बत्रा, रोहित शर्मा, विनेश फोगाट, राणी रामपाल आणि मरियप्पन फंगावेलू यांना राजीव गांधी खेल रत्न पुरस्कारानं गौरविण्यात आलं होते.