वेलिंग्टन : महिला विश्वकरंडक क्रिकेट स्पर्धेत (ICC Women's Cricket World Cup) ऑस्ट्रेलियाने (australia) आज वेस्ट इंडिज संघावर (West Indies) सात गडी राखून सहज विजय मिळवित स्पर्धेतील अव्वल स्थान कायम राखले आहे. एलिस पेरीची (Ellyse Perry) शानदार गाेलंदाजी आणि राहेल हेन्सचे (Rachael Haynes) अर्धशतकी ऑस्ट्रेलिया संघाच्या विजयात महत्वाची कामगिरी ठरली. (ICC Women's Cricket World Cup Latest Marathi News)

आजच्या सामन्यात वेस्ट इंडिज संघाच्या ४० षटकांत दहा गडी बाद १३१ धावा झाल्या. यामध्ये स्टेफनी टेलरने अर्धशतकी खेळी केली. एलिस पेरीने आठ षटकांत २२ धावांत तीन गडी बाद केले.

प्रत्युत्तरात ऑस्ट्रेलियाने ३०.२ षटकांत ३ गड्यांच्या माेबदल्यात १३२ धावा करुन सामना सहज जिंकला. ऑस्ट्रेलियाच्या हेन्सने ९५ चेंडूत नऊ चाैकारांसह नाबाब ८३ धावांची खेळी केली. दरम्यान आजच्या पराभवामुळे वेस्ट इंडिजचा संघ पाचव्या स्थानावर गेला आहे. उपांत्य फेरीत जाण्यासाठी संघास त्यांच्या उर्वरित तीन सामन्यांपैकी किमान दोन सामने तरी जिंकावे लागतील.

Edited By : Siddharth Latkar