IND vs AUS Series 2025: भारताविरोधात होणाऱ्या आगामी वनडे आणि टी २० मालिकेसाठी ऑस्ट्रेलिया संघाची घोषणा करण्यात आली आहे. १९ ऑक्टोबरपासून भारताचा ऑस्ट्रेलिया दौऱ्याला सुरूवात होणार आहे. तीन वनडे आणि ५ टी२० मालिकेचा थरार रंगणार आहे. रोहित आणि विराट हे भारताचे सर्वात अनुभवी खेळाडू वनडेमध्ये खेळताना दिसणार आहेत. या जोडीला रोखण्यासाठी ऑस्ट्रेलियाने स्टार खेळाडूंना संघात स्थान दिलेय. ग्लेन मॅक्सवेल दुखापतीमुळे संघाबाहेर आहे. मिचेल मार्श वनडे आणि कसोटी संघाचे नेतृत्व करेल.

ऑस्ट्रेलियाच्या संघात अनुभवी वेगवान गोलंदाज मिचेल स्टार्क आणि मॅट शॉर्ट यांचं संघात कमबॅक झालेय. गेल्या महिन्यात दक्षिण आफ्रिकेविरोधातील मालिकेनंतर ऑस्ट्रेलियाच्या संघात मोठे बदल करण्यात आले आहेत. स्टार्क, शॉर्ट यांच्याशिवाय मॅन रेनशॉ आणि मिशेल ओवन यांनाही संघात स्थान देण्यात आले आहे. मिचेल स्टार्कच्या कमबॅकमुळे ऑस्ट्रेलियाची गोलंदाजी अधिक भक्कम होतेय. ऑस्ट्रेलियाला सर्वात मोठा धक्का पॅट कमिन्सच्या रूपाने बसला आहे. कर्णधार पॅट कमिन्स दुखापतीमुळे संघाबाहेर आहे. त्याच्या अनुपस्थितीत मिचेल मार्श संघाचे नेतृत्व करत आहे.

ऑस्ट्रेलियाचा एकदिवसीय संघ:

मिचेल मार्श (कर्णधार), जेवियर बार्टलेट, एलेक्स कॅरी, कूपर कोनोली, बेन ड्वार्शुइस, नाथन एलिस, कॅमरून ग्रीन, जोश हेज़लवूड, ट्रॅविस हेड, जोश इंग्लिस, मिचेल ओवेन, मॅथ्यू रेनशॉ, मॅथ्यू शॉर्ट, मिचेल स्टार्क, एडम जम्पा

ऑस्ट्रेलियाचा टी-20 संघ (पहिल्या दोन सामन्यांसाठी):

मिचेल मार्श (कर्णधार), सीन एबॉट, जेवियर बार्टलेट, टिम डेविड, बेन ड्वार्शुइस, नाथन एलिस, जोश हेज़लवुड, ट्रॅविस हेड, जोश इंग्लिस, मॅथ्यू कुहनेमैन, मिचेल ओवेन, मॅथ्यू शॉर्ट, मार्कस स्टॉयनिस, एडम ज़म्पा

भारत विरुद्ध ऑस्ट्रेलिया वनडे सामन्याचे वेळापत्रक :

पहिला वनडे: 19 ऑक्टोबर, पर्थ

दुसरा वनडे: 23 ऑक्टोबर, एडिलेड

तिसरा वनडे: 25 ऑक्टोबर, सिडनी

भारत विरुद्ध ऑस्ट्रेलिया टी-20 सामन्याचे वेळापत्रक :

पहिला टी-20 आंतरराष्ट्रीय सामना: 29 ऑक्टोबर, कॅनबेरा

दुसरा टी-20 आंतरराष्ट्रीय सामना: 31 ऑक्टोबर, मेलबर्न

तिसरा टी-20 आंतरराष्ट्रीय सामना: 2 नोव्हेंबर, होबार्ट

चौथा टी-20 सामना: 6 नोव्हेंबर, गोल्ड कोस्ट

पाचवा टी-20 सामना: 8 नोव्हेंबर, ब्रिस्बेन