Arjun Tendulkar Wicket Samit Dravid: भारतरत्न सचिन तेंडुलकरचा मुलगा अर्जुन तेंडुलकर पुन्हा एकदा चर्चेत आला आहे. अर्जुन तेंडुलकरने भारताचा माजी क्रिकेटपटू राहुल द्रविडचा मुलगा समित द्रविडला बाद करत कामगिरीत सुधारणा केल्याचं दाखवून दिलं आहे. समित द्रविडला बाद केल्याने अर्जुन तेंडुलकरची गोलंदाजी चर्चेचा विषय ठरला आहे. २०२५-२६ साली घरगुती हंगामाच्या सुरुवातीलाच अर्जुनने छाप सोडालयला सुरुवात केली आहे.

डॉक्टर के थिम्ेमप्पा मेमोरियल टूर्नामेंट २०२५ च्या गोवा क्रिकेट असोशिएशन आणि केएससीए सेक्रेटरी XI दरम्यान सामना सुरु आहे. या सामनादरम्यान अर्जुन तेंडुलकरने कमाल गोलंदाजी केली आहे. अर्जुनने २१ षटक टाकत ३ गडी बाद केले आहेत. या डावात अर्जुनने राहुल द्रविडचा विकेट घेतला.

अर्जुनने गोव्याकडून खेळताना २८ वे शतक टाकले. त्यावेळी ज्युनिअर द्रविड सामना करत होता. अर्जुनच्या पहिल्या चेंडूवर समितने चौकार लगावला. त्यानंतर अर्जुनने दुसरा चेंडू डॉट टाकला. त्यानंतर टाकलेल्या तिसऱ्या चेंडूत अर्जुनने समितला बाद केलं. समितने २६ चेंडूत ९ धावा करून बाद झाला. करुण नायर देखील या सामन्यात खेळत आहे. त्याच संघात खेळणारा करुण नायर फक्त ३ धावा करून बाद झाला. अर्जुनच्या कामगिरीचं सर्वत्र कौतुक होत आहे.

अर्जन तेंडुलकरचा काही दिवसांपूर्वी सानिया चंदोकशी साखरपुडा झाला. दोघेही रिलेशनशिपमध्ये होते. सानिया ही मुंबईतील प्रसिद्ध उद्योजक रवि घई यांची नात आहे. एका खासगी कार्यक्रमात सानिया आणि अर्जुनचा साखरपुडा झाला. सचिन तेंडुलकरने ऑगस्टच्या शेवटच्या आठवड्यात अर्जुनचा साखरपुडा झाल्याचा वृत्ताला दुजोरा दिला होता.