प्रसिद्ध उद्योगपती आनंद महिंद्रा (Anand Mahindra) हे नेहमीच चर्चेत असतात. सोशल मीडियाच्या माध्यमातून ते नागरिकांच्या संपर्कात असतात. त्यांनी सोशल मीडियावर अनेकदा लोकांचे कौतुक केले आहे. आनंद महिंद्रांनी आता क्रिकेटर सरफराजचे कौतुक केले आहे. त्यांनी सरफराजचे वडिल नौशाद खान यांना एक खास गिफ्ट देण्याची घोषणा केली आहे.
आनंद महिंद्रांनी एक्स या अकाउंटवरुन एक पोस्ट शेअर करत सरफराजचे आणि त्याच्या वडिलांचे कौतुक केले आहे. आनंद महिंद्रांनी सरफराजचे वडिल नौशाद यांना 'थार' गिफ्ट करण्याचा घोषणा केली आहे. (Latest News)
आनंद महिंद्रांनी सरफराज खानचा (Sarfaraz khan) एक व्हिडिओ पोस्ट करत 'हिम्मत सोडू नका, बस्स! कठोर परिश्रम, धैर्य आणि संयम... वडिल यापेक्षा कोणते चांगले गुण मुलाला प्रेरणा देण्यासाठी देऊ शकतात? एक उत्तम आणि प्रेरणा देणारे पालक म्हणून नौशाद खान यांनी थार ही भेटवस्तू स्विकारावी. ही माझा बहुमान आणि सन्मान असेल', असं कॅप्शन लिहले आहे.
सरफराज खानने १५ फेब्रुवारीला इंग्लंडविरुद्धच्या कसोटी सामन्यात पदार्पण केले. या सामन्यात त्याने अर्धशतक झळकावून उत्तम कामगिरी केली आहे. त्यामुळे त्याचे सर्व क्षेत्रातून कौतुक केले जात आहे. माजी क्रिकेटपटू अनिल कुंबळे यांनी सरफराजला कॅप भेटवस्तू म्हणून दिली. हा व्हिडिओ आनंद महिंद्रांनी पोस्ट केला आहे.
Edited By-Siddhi Hande
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.