नांदेड: कीनवट रस्त्यावर सोमठाणा (ता.भोकर) शिवारात सोमवारी (ता .२१) सायंकाळी सहा वाजताच्या सुमारास विवाह झाल्यानंतर आरतणी परतणी करून परत जाताना टेम्पो आणि मॅजीक वाहनांची समोरासमोर जोराची धडक झाल्याने पाच जण जागीच ठार तर बारा जखमी झाले असून मृतांमध्ये नववधुचाही समावेश आहे. पोलिसांनी दिलेल्या माहितीनुसार नुसार, मागील शनिवारी (ता. २१) साखरा (ता.उमरखेड) येथे पूजा पामलवाड हिचा तिच्या राहत्या गावी विवाह झाला.

विवाहानंतर आरती परतणी करुन नववधू आणि नवरदेव नागेश साहेबराव कनेवाड हे रवीवारी (ता. २० ) जरीकोट येथे आले आणि सोमवारी (ता. २१) विदर्भातील साखरा येथे परत जाताना सायंकाळी सहा वाजताच्या सुमारास कीनवट कडुन भरधाव वेगात येणारा टेम्पो आणि मॅजीक समोरासमोर जोराची धडक झाल्याने नववधू पूजा सह अन्य चार जणांचा जागीच मृत्यू झाला इतर मयताची नावे अद्याप समजू शकले नाही.

जखमी मधील सुनीता अविनाश टोकलवार, कुमारी गौरी माधव चोपवाड (वय दिड वर्षं), अविनाश टोकलवार, अभिनंदन मधुकर कसबे (वय १२ वाजेगाव) यांचा समावेश असून इतर चार कीरकोळ जखमी झाले आहेत.असे एकूण बारा जखमी झाल्याची नोंद रूग्णालयातील सुत्रांनी सकाळ शी बोलताना दिली आहे. भोकर येथील ग्रामीण रुग्णालयात प्राथमिक उपचार करून गंभीर जखमींना पुढिल उपचारासाठी नांदेड येथे पाठविण्यात आले आहे.

Edited By: Pravin Dhamale